अन्ततः रवि लामिछानेले विवाह गरेर आशिर्वाद मागे
नयाँ मोडमा रवि-निकिता
- गाउँ सहर संवाददाता
- ७ माघ सोमबार, २०७५ | १६:५०:०० मा प्रकाशित
काठमाडौँ । केही समय अगाडि सञ्चार जगतका परिचित कर्मी रवि लामिछानेले सम्बन्ध विच्छेद भएको वैद्यानिक घोषणा गरेका उनले कानुनी रुपमा उनले अर्को विवाह गरेको बताएका छन् ।
सामाजिक सञ्जाल फेसबुकमा काठमाडौँ जिल्ला अदालतमा विवाह दर्ता गरेर जीवनले नयाँ मोड लिएको बताएका हुन् ।
विवाह दर्तापछि उनले भनेका छन्, ‘व्यक्तिगत जीवनले नयाँ मोड लिएको छ । एक अर्काका परिवार, आफन्त र नातागोताको छलफल र अनुमतिमा आज निकिता पौडेल जी र मैले कानुनी रुपमा काठमाडौँ जिल्ला आदालतमा विवाह दर्ता गरेका छौँ ।’
उनले यो निर्णय यति छिटो गर्ने योजना नभएपनि मानशिक यातना हुनेगरि समाचार र खोजविन चलेको हुनाले एक अर्कालाई खाँचो परेको जनाएका छन् । यो निर्णय गरेपछि उनले समस्त दर्शक, शुभचिन्तक, परिवार, इष्टमित्रहरुबाट आशिर्वाद पनि मागेका छन् ।
उनले स्टाटसमा भनेका छन्, ‘यो निर्णय यति छिटो गर्ने योजना नै थिएन । तर हामी दुवैप्रति जसरी मानसिक यातना नै हुने गरि अनवरत समाचार र खोजविन चल्यो त्यसले हामीलाई एक अर्काको निकै खाँचो पर्यो । हामी समस्त दर्शक, शुभ चिन्तक, परिवार, इस्टमित्रहरुबाट एउटै मात्र कुरा चाहन्छौँ, आशिर्वाद ।’
कानुनी रुपमा बाँधीएका रविले परम्परागत रुपमा आउँदो वैशाखमा विवाह गर्नेपनि बताएका छन् । उनले भनेका छन्, ‘परम्परागत रुपमा हामी आउँदो वैशाखमा विवाह गर्ने छौ । यो हाम्रो नितान्त व्यक्तिगत जीवन हो । कसैको चर्चा, आलोचना, सुझाव, व्याख्यामा हामी अटेनौँ भने हामीलाई माफ गर्नु होला । हाम्रो भोगाई र तपाईंको सोचाइ नमिल्न सक्छ । हामी दुवैजना यो निर्णयबाट एकदमै खुशी छौँ । र हामी सबैबाट हाम्रो सुखद दाम्पत्य जीवनकालागि शुभ कामना मात्र चाहन्छौँ ।’
रविले यही पौष २० गते अघिल्लो श्रीमती इशा लामिछानेसँग सम्बन्ध विच्छेद भएको जानकारी गराएका थिए । करिब २५ वर्षपछि उनीहरूले सम्बन्ध विच्छेद गरेका थिए ।
त्यो समयमा अधिक जनताको घर मिलाएका रविले आफ्नै घर मिलाउन नसकेको भन्दै सामाजिक सञ्जालमा अधिक कमेन्टहरू आएका थिए । सोही समयबाट निकिता र रविको बारेमा अनेक कुराहरु सार्वजनिक पनि भएका थिए ।
रवि र ईशाका दुई छोरी छन् । दुबै छोरीको जिम्मेवारी आफूले लिएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- हङकङसँग पराजित हुँदा नेपाल इमर्जिङ एशिया कपमा छनोट हुनबाट बाहिरियाे
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
प्रतिकृया दिनुहोस