‘मेरो त डा. गोविन्द केसीको मागसंग सहमति नै हो नी, तर सांसदले मानेनन्’
यस्तो भन्ने छुट हुन्छ प्रधानमन्त्री ज्यू !
- सुमन बराल
- ७ माघ सोमबार, २०७५ | १९:३५:०० मा प्रकाशित
सरकारले वाध्य पारेकै कारण डा. गोविन्द केसी १६ औँ अनशनमा बस्नुपरेको छ । विश्वले डा. केसीको प्रशंसा गरेका छन् भने सम्झौता गरेर कार्यान्वयन नगर्ने अहिलेसम्मका शासकहरुसँग रोश प्रकट गरेका छन् । सरकार र नेतृत्व झनै बोली फेर्दै हिँडिरहेको छ । हुँदा-हुँदा प्रधानमन्त्री केपी शर्मा ओलीले डा. केसी र उनीसित भएका सम्झौतामा सांसद देखाउनु विडम्बना मात्र होइन, प्रधानमन्त्रीको गैरजिम्मेवारीता प्रस्तुत भएको छ ।
कि त पटक-पटक सहमति नै गर्नु हुँदैन । अथवा संसदले साँच्चै मानेनन् र सहमति लागू गर्न सकिएन भने राजिनामा दिनु पर्छ । नैतिकता भएको नेतामा यहि प्रचलन हुने गर्छ । तर प्रमको बोलीले एकदमै बालाहठको सम्झना गराएको छ ।
गणतन्त्र, धर्म निरपेक्षता, संघीयता, संविधान ल्याउँदा २-४ जना टाउके नेताहरु अँध्यारो कोठामा बसेर व्हिप जारी गरेर ल्याए, सांसदलाई कुकुर बराबर पनि भाउ दिएनन् । यो कुराको बर्णन धेरै गर्नु नपर्ला । तसर्थ, डा केसीको कुरा सांसदले मानेनन् भन्ने कुरा ‘ताक परे तिवारी नत्र गोतामे’ भने जस्तो लाजमर्दो र अरिङ्गाले तर्क मात्रै हो प्रधानमन्त्री ज्यू तपाईंको ।
प्रधानमन्त्री ज्यू, तपाईं सबै नागरिकको ‘स्वस्थ सेवा पाउने संवैधानिक हकको रक्षा गर्नुस्’ कसरि गर्ने तपाईं नै निर्क्योल गर्नुस् । यसरि गर्छु भनेर जनतालाई विश्वास दिलाउनु होस् । स्वस्थ सेवाको ग्यारेन्टी गर्ने धेरै मोडल छन् संसारमा, म लगायत सयौँले लेखेका पनि छौँ । कुनै एउटा मोडलबाट सिकेर नेपालमा सुहाउने मोडल बनाउनुस । यो काम रेल, पानि जहाज ल्याउन भन्दा हजार गुणा सजिलो छ तपाईंमा अलिकति इमान्दारिता हुने हो भने । यति गरेपछि डा. केसी अनशन बस्दैनन् र स्वस्थ सेवाका बाँकी विकृति धेरै हदसम्म न्यूनीकरण हुन्छ भन्ने पूर्ण विश्वास गर्न सकिन्छ ।
तर, त्यसपछि पनि अनशन बस्छन भने भविश्यमा कुनै सहमति गरेर अनशन तोडाउन हतारिनु पर्दैन सरकारले । सरकारी जागिरबाट पनि बर्खास्त गरिदिए हुन्छ । तर प्रधानमन्त्री ज्यू तपाईंसंग ‘सबै नागरिकको स्वस्थ सेवाको ग्यारेन्टी’ गर्ने नैतिक बल र इमान्दारिता छ ?
यता साेमबारकाे दुबै सभामा केसीसँगको सम्झौता कार्यान्वयनसहित गिरिजाप्रसाद कोइराला र सुशील कोइरालाको नाममा रहेका अस्पताल खारेज गर्न लागेको विषय संसद्मा उठेकाे थियाे । मुख्यत: दुई अस्पताल केन्द्रबाट हटाउने विषय र डा. गोविन्द केसीको मागलाई प्रमुख प्रतिपक्षी दल कांग्रेसले उठाएकाे थियाे ।
१५औं अनशनमा भएको सम्झौता हुबहु लागू गर्नुपर्ने केसीको मागमा कांग्रेसको पनि समर्थन छ । नेकपाले भने सबै माग हुबहु पूरा हुने सार्वभौम संसदले जस्ताको तस्तै मान्नुपर्ने खालको तर्कमा सहमत हुन नसक्ने बताउँदै आएको छ ।
विधेयक संशोधन माग गर्ने डा. केसी आमरण अनशनमा बसिरहे पनि सत्तापक्षले विधेयक हुबहु पारित गर्ने भएपछि प्रतिपक्षी दल कांग्रेसले सम्झौता पालना नभएकाेमा संसद अवरोध गरेकाे छ ।
सुमन बराल
सुमन बराल लेखक हुन् । समसामयिक विषयमा कलम चलाउँछन् ।
- किन कमेडियन अपूर्वमाथि यो हदको अत्याचार ? कहाँ छन् कथित अधिकारवादीहरू
- “ओली, प्रचण्ड, देउवालाई भन्दा पूर्व राजा ज्ञानेन्द्रलाई देश र जनताको हजारौँ गुणा बढी माया रहेछ”
- गाईगोरू मार्दा १२ वर्ष तर श्रीमती मार्दा ८ वर्ष मात्रै जेल !
- यो देशमा म एउटा.. मानिस खोजिरहेछु !
- श्रीमान वा श्रीमतीलाई घरायसी काम सिकाउने फर्मूला
- कोरोनाभाइरस : भ्रष्टचारीका निम्ति कमाउने धन्दा
- हिन्दू धर्म यति कमजोर छ? ‘अबको तीज नो व्रत प्लिज’ गीतले धर्म मासिन्छ?
- गफाडी नहुने अनि जाँडरक्सी नखाने पनि झापाली हुन्छन् ?
- विदेशबाट आउने 'बुहारी र ज्वाईं' लाई नेपाली नागरिकता दिने वा नदिने ?
- प्रदर्शनरत् युवा र सरकारलाई अनुरोध
प्राप्त प्रतिक्रिया
I also support this issue.
I also support this issue.
प्रतिकृया दिनुहोस