पोखराको संस्कृत क्याम्पसमा छात्र भोजन गृह निर्माण
- गाउँ सहर संवाददाता
- ८ कार्तिक सोमबार, २०७८ | १९:४२:०० मा प्रकाशित
पोखरा । पोखरा महानगरपालिका वडा नं १ भीमकालीपाटनस्थित विन्दुवासिनी संस्कृत विद्यापीठ क्याम्पसमा छात्र भोजन गृह निर्माण गरिएको छ । कास्कीको रुपा गाउँपालिका निवासी ई किरिटी सुवेदी (हाल अमेरिका, इम्पावर नेपाल फाउन्डेशन) को १२ हजार अमेरिकी डलर आर्थिक सहयोगमा दुई कोठे भोजन गृह निर्माण गरिएको हो ।
गण्डकी प्रदेशका पर्यटन, उद्योग, वाणिज्य तथा आपूर्ति मन्त्री मणिभद्र शर्मा कंडेलले एक कार्यक्रमकाबीच नवनिर्मित छात्र भोजन गृहको उद्घाटन गरेका छन् । उद्घाटन कार्यक्रममा बोल्दै उनले संस्कृत शिक्षासँगै हाम्रा प्राचीन संस्कृतिलाई पर्यटनसँग जोड्नुपर्ने बताए ।
विद्यापीठ विकास समितिका अध्यक्ष परशुराम बरालले विभिन्न साथ र सहयोगमा विद्यापीठ वर्तमान अवस्थामा आइपुगेको बताउँदै पोखरामा संस्कृत माध्यमिक विद्यालय र विद्यापीठबीच एकआपसमा सहकार्य गर्दै अघि बढेको बताए ।
विद्यापीठका प्राचार्य डा.जगन्नाथ रेग्मीले छात्रावास निर्माण भैसकेको र छात्र भोजन गृह अपरिहार्य रहेका अवस्थामा निर्मित भवन अध्ययनरत विद्यार्थीका लागि बहुउपयोगी बन्ने विश्वास व्यक्त गरे ।
विद्यापीठ विकास समितिका संस्थापक अध्यक्ष लीलाभक्त आचार्य, पूर्व प्राचार्य प्रा.डा.शालिग्राम सुवेदी, विद्यापीठ विकास समितिका पूर्व अध्यक्ष विष्णुप्रसाद बराल, विद्यापीठका पूर्व विद्यार्थी एवम् रासस गण्डकी प्रदेशका प्रमुख वासुदेव पौडेल, वडाध्यक्ष शारदा पराजुली, संस्कृत मावि व्यवस्थापन समितिका अध्यक्ष विष्णुप्रसाद अधिकारी, सहयोगदाता किरिटी सुवेदी, विद्यार्थी प्रविणचन्द्र बराल लगायतले विद्यापीठलाई संस्कृत शिक्षाको आकर्षक गन्तव्य बनाउनका लागि सबैको साथ र सहयोग आवश्यक भएकोमा जोड दिएका थिए ।
उक्त अवसरमा भोजन गृह निर्माणमा सहयोग गर्नुहुने किरिटी सुवेदीलाई विद्यापीठका तर्फबाट सम्मानपत्र प्रदान गरिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
प्रतिकृया दिनुहोस