वीर अस्पतालमा बन्द रहेको मिर्गौला प्रत्यारोपण सेवा पुनः सुरु
- गाउँ सहर संवाददाता
- १० कार्तिक बुधबार, २०७८ | ०७:५५:०० मा प्रकाशित
काठमाडाैं । काेराेना महामारीपछि वीर अस्पतालमा पूर्ण रूपमा बन्द रहेको मिर्गौला प्रत्यारोपण सेवा पुनः सुरु भएको छ । डेढ वर्षदेखि बन्द रहेको प्रत्यारोपण सेवा मंगलबारदेखि सुरु गरिएको हो । सिरहाका ५० वर्षीय एक पुरुषको मिर्गौला प्रत्यारोपण गरेर अस्पतालले सेवा सुरु गरेको जनाएको छ ।
डायलाइसिस गराइरहेका ती पुरुषलाई उनकी ४९ वर्षीया श्रीमतीले मिर्गौला दिएको अस्पतालका निर्देशक डा. भूपेन्द्र बस्नेतले जानकारी दिए । कोरोना महामारी सुरु भएपछि प्रभावित बनेको मिर्गौला प्रत्यारोपण सेवा भक्तुरको मानव अंग प्रत्यारोपण केन्द्रमा मात्र भइरहेको थियो ।
संक्रमणको जोखिम नियन्त्रण हुँदै गए पनि प्रत्यारोपण सेवा सञ्चालन हुँदै आएका त्रिवि शिक्षण अस्पताल र वीरमा यो सेवा बन्द थियो । सरकारी अस्पतालमा निःशुल्क डायलाइसिस र प्रत्यारोपण हुने भए पनि मिर्गौला फेल भएका बिरामी महिनौँ पालो कुर्न बाध्य थिए ।
अस्पतालले हरेक मंगलबार एकजनाको मिर्गौला प्रत्यारोपण गरिने जनाएको छ । वीरमा मिर्गौला प्रत्यारोपणका लागि धेरै भिड नरहेकाले साताको एक दिन मात्रै राखिएको अस्पतालले जनाएको छ । वीर अस्पतालमा हाल ७० जना बिरामीले नियमित डायलाइसिस गराइरहेका छन् । यस्तै अस्पतालले कोभिड, एचआइभी र हेपाटाइटिस बी संक्रमितलाई समेत डायलाइसिस सेवा दिँदै आएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस