मोटरसाइकल अनियन्त्रित भइ दुर्घटना हुँदा तीन जनाको मृत्यु
- गाउँ सहर संवाददाता
- १४ पौष बुधबार, २०७८ | १२:००:०० मा प्रकाशित
झापा । मोटरसाइकल दुर्घटनामा तीन जनाको घटनास्थलमै मृत्यु भएको छ । दमकमा हिजाे राती भएको मोटरसाइकल दुर्घटनामा तीन जनाको घटनास्थलमै मृत्यु भएको हाे ।
दमक नगरपालिका वडा नं . २ भाङबारीमा भित्री सडकखण्डमा मोटरसाइकल दुर्घटना हुँदा तीन जनाको मृत्यु भएको इलाका प्रहरी कार्यालय दमकका प्रहरी नायब उपरिक्षक एवं डिएसपी नवराज थापाले जानकारी दिएका छन् ।
प्रहरीका अनु्सार मंगलबार राती करिब ११ बजे प्र१–०२–०४३प ६९२६ नम्बरको मोटरसाइकल आफैँ अनियन्त्रित भएर सडकछेउको रुखमा ठोक्किएको र तीनैजना एउटै मोटरसाइकलमा रहेको प्रहरीको भनाइ छ । हामीले दुर्घटना भएको थाहा पाउनासाथ त्यहाँ पुग्दा ३ जनाको नै मृत्यु भइसकेको थियो । स्थानीयहरु सबै सुतिसकेकाले राति स्थानीयको सहयोगमा मुचुल्का बनाएर शव उठाइएको छ ।
दुर्घटनामा मोटरसाइकल चालक खोटाङ चिसापानी ४ का २३ वर्षीय अनिल वि.क, चितवन राप्ती ४ का १९ वर्षीय किसन सेन्चुरी र ताप्लेजुङ भुइँखोला ३ का १९ वर्षीय अनिल लामगादेको मृत्यु भएको जनाइएको छ । उनीहरु दमकमा सुन पसलमा कालिगढको रुपमा काम गर्दै आएको बुझिएको पनि प्रहरीको जनाएकाे छ ।
तीनजना सवार रहेको मोटरसाइकलको तीब्र गति रहेका कारण दुर्घटना भएको प्रारम्भिक अनुमान रहेको प्रहरी भनाइ छ ।
यस सम्बन्धमा थप अनुसन्धान भइरहेकाे प्रहरीले बताएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस