जसकाे अपराध डाेकाेले छाेपेन...
- गाउँ सहर संवाददाता
- १४ पौष बुधबार, २०७८ | १६:३४:०० मा प्रकाशित
रामेछाप । नेपाली समाजमा एउटा उखान छ-"पाप धुरीबाट कराउँछ, अर्थात पाप गर्ने जोकोही कानुनबाट उम्किन सक्दैन ।" त्यस्तै भएको छ रामेछापका एक फरार अभियुक्तकाे जीवनमा ।
ज्यान मार्नेजस्तो जघन्य पराध गरेर फरार रहेका अभियुक्त २८ वर्षपछि जेलको हावा खाँदैछन् । उनी हुन् होमबहादुर थापामगर । वर्षाैँदेखि कानुनकाे आँखा छलि हिँडेका थापामगर प्रकाउ पर्नुअघि डाेकाेमा लुकिरहेकाे अवस्थमा भेटिए । जति नै भाग्दै हिँडे पनि अन्तत: उनकाे अपराध डाेकाेले पनि छेक्न सकेन र प्रहरीकाे फन्दामा परे ।
घटना आजभन्दा २८ वर्ष अघिकाे हाे । दोरम्बा शैलुङ गाउँपालिका–४ का अभियुक्त थापामगरसहित ४ जनाले २०४९ कात्तिक ५ गते छिमेकी गजुरे मगरलाई चक्कुले मुटु नै छेड्ने गरि प्रहार गरी हत्या गरेका थिए ।
कर्तब्य ज्यान मुद्दामा रामेछाप जिल्ला अदालतबाट २०५० फागुन १६ गते फैसला भई थापामगरलाई २० वर्ष कैद सजाय तोकिएको थियो ।
जिल्ला अदालत रामेछापबाट कर्तव्य ज्यान मार्ने उद्योगमा २० वर्ष कैद सजाय सुनाइए पनि ५५ वर्षिय थापामगर फरार थिए । अन्य दोषीहरु पक्राउ परि सजाय भुक्तान गरि सकेपनि उनकाे भने प्रहरीले खाेजीकार्य जारी राखेकाे थियाे ।
साेही क्रममा विशेष सूचनाको आधारमा घरमा आएको मौका छापेर रामेछापबाट खटिएकाे प्रहरी टाेलीले उनलाई डोकोमा लुकेर बसेको अवस्थामा फेला पारेकाे जिल्ला प्रहरी कार्यालय रामेछापका प्रमुख नवराज ढुंगानाले जानकारी दिए ।
उनलाई मंगलबार नै जिल्ला अदालत रामेछापमा पेश गरिएकाे जिल्ला प्रहरी कार्यालय रामेछापका प्रमुख ढुंगानाले जानकारी दिएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
- सुरू भयाे एसईईका उत्तरपुस्तिका परीक्षण
- लेखनाथमा चौथो राष्ट्रिय खुल्ला ब्याडमिन्टन प्रतियोगिता हुने
- इलाम र बझाङमा हुने निर्वाचनमा मौन अवधि सुरु, मौन अवधिमा केके गर्न पाइँदैन ?
- ISPAN काे पत्रकार सम्मेलन बिहीबार
- कतारी अमिरको नेपाल भ्रमण कति उपलब्धिमूलक रह्यो ?
- शेयर बजारमा २ अर्ब ५३ करोडको कारोबार, यस्ताे रह्याे नेप्से
प्रतिकृया दिनुहोस