२० वर्षसम्म दाबी नपरेकाको निक्षेप अबदेखि नेपाल राष्ट्र बैंकले खिच्ने (सूचनासहित)
- गाउँ सहर संवाददाता
- २९ पौष बिहीबार, २०७८ | १५:५१:०० मा प्रकाशित
काठमाडाैं । २० वर्षसम्म सम्पर्कमा नरहेका या दाबी नपरेकाको निक्षेप अबदेखि नेपाल राष्ट्र बैंकले खिच्ने भएको छ । बैंक तथा वित्तीय संस्थामा रकम (निक्षेप) राखेका, तर २० वर्षसम्म सम्पर्कमा नरहेका या दाबी नपरेकाको निक्षेप अबदेखि नेपाल राष्ट्र बैंकले खिच्ने भएको हाे । केन्द्रीय बैंकको बैंक तथा वित्तीय संस्था नियमन विभागले सूचना जारी गर्दै त्यस्तो निक्षेप बैंकिङ विकास कोषमा जम्मा गर्न निर्देशन दिएको छ । कोषमा जम्मा भएको रकम केन्द्रीय बैंकले बैंकिङ्ग विकासमा प्रयोग गर्ने जनाएको छ ।
इजाजतपत्र प्राप्त सम्पूर्ण बैंक तथा वित्तीय संस्थाहरूले अब २० वर्षसम्म लिन/बुझ्न नआएका र दाबी नपरेका निक्षेप राष्ट्र बैंकको सो कोषमा जम्मा गर्नुपर्नेछ । बैंक तथा वित्तीय संस्था सम्बन्धी ऐन, २०७३ को दफा १११ को उपदफा (३) र दफा ११२ को उपदफा (३) बमोजिम केन्द्रीय बैंकले कोषमा जम्मा गर्न सूचना जारी गरेको छ ।
बैंकिङ्ग विकास कोषमा जम्मा गरिएको रकमको निक्षेपकर्तासम्बन्धी विस्तृत विवरण सुरक्षित राख्ने जिम्मेवारी रकम जम्मा गर्ने बैंक तथा वित्तीय संस्थाकै हुनेछ । बैंक तथा वित्तीय संस्थाले कोषमा जम्मा गरिसकेको निक्षेप रकमउपर निक्षेपकर्ता वा निक्षेपकर्ताको कानूनी हकवालाबाट सम्पूर्ण कानूनी प्रकृया पूरा गरी दावी पर्न आएमा सम्बन्धित बैंक तथा वित्तीय संस्थाले प्रमाणसहित राष्ट्र बैँकमै दाबी पेश गर्नुपर्नेछ ।
आवश्यक कागजात सहित दावी पर्न आएमा सम्बन्धित बैंक तथा वित्तीय संस्थालाई बिना ब्याज रकम फिर्ता गरिने बैंकले जनाएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाल ‘ए’ लाई आयरल्यान्ड वल्भ्सले दियाे २२३ रनको विशाल लक्ष्य
- सुनको मूल्य हालसम्मकै उच्च, कतिमा हुँदैछ काराेबार ?
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
प्रतिकृया दिनुहोस