कोरोनाविरूद्ध ‘बुस्टर’ डोज पाउने अग्रपंत्तिमा काे काे पर्छन् र के कागजात बाेकेर जानुपर्छ ?
- गाउँ सहर संवाददाता
- ४ माघ मंगलबार, २०७८ | ०८:५०:०० मा प्रकाशित
काठमाडाैं । सरकारले गत माघ २ गते साेमबारदेखि अग्रपंतिमा काम गर्नेलाई कोरोनाविरूद्ध बुस्टर डोज खोप दिन थालेकाे छ ।
त्यसका लागि स्वास्थ्य तथा जनसंख्या मन्त्रालयले काठमाडौंका १९ अस्पताललाई खोप केन्द्र तोकेको छ । तर धेरैजना खाेपस्थलमा पुगेर फर्किएका भेटिन्छन् ।
अग्रपंतिमा खटिने काे काे हुन् र के के कागजात लैजानुपर्दछ भन्ने जानकारी नहुँदा जाडाेमा धेरै जनाले दु:ख पाएका छन् ।
काे काे हुन् अग्रपंत्ति तथा सार्वजनिक सेवामा खटिने व्यक्तिहरू
सरकारले अग्रपंत्ति तथा सार्वजनिक सेवामा खटिने व्यक्तिहरूका लागि कोरोनाविरूद्ध बुस्टर डोज खोप लगाइरहेकाे छ । जसमा यी व्यक्तिहरू पर्दछन्:
स्वास्थ्य संस्थामा कार्यरत स्वास्थ्यकर्मी तथा सम्पूर्ण कर्मचारी
सुरक्षाकर्मी
नेपाली सेना
नेपाल प्रहरी
सशस्त्र प्रहरी
फाेहाेर संकलन तथा सरसफाइकर्मी
एम्बुलेन्स तथा शव वाहन चालक
महिला स्वयमंसेविका
त्रिभुवन विमानस्थलमा खटिने कर्मचारी
सार्वजनिक क्षेत्र वा सरकारी कार्यालयमा कार्यरत कर्मचारी
बैंकका कर्मचारी
सञ्चारकर्मी, पत्रकार सार्वजनिक यातायातका चालक तथा सहचालक
त्यसैगरि राेग प्रतिराेधात्मक क्षमता कम भएका व्यक्तिहरू:
सकृय क्यान्सर राेगीहरू
एच. आइ. भी. भएका बिरामीहरू
अंग प्रत्याराेपण भएका बिरामीहरू
उपचारकाे क्रममा राेग प्रतिराेधात्मक क्षमता कम गराउने औषधीहरू सेवन गरिरहेका बिरामीहरू
काेभिड-१९ विरूद्धकाे पूर्ण मात्रा खाेप लगाएकाे ६ महिना पुगेका अग्रपंत्तिमा खटिने व्यक्तिहरूलाई माघ २ गतेदेखि र ६० वर्ष माथिका सबै नागरिकहरू तथा राेग प्रतिराेधात्मक क्षमता कम भएका व्यक्तिहरूलाई माघ १४ गतेदेखि पहिले जुन खाेप लगाइएकाे हाे साेही खाेपकाे बुस्टर डाेज लगाइँदैछ ।
खाेप लगाउन जाँदा के के कागजात लैजाने ?
कोरोनाविरूद्ध बुस्टर डोज खोप लगाउन जाँदा दुवै मात्रा खाेप लगाएकाे खाेप कार्डसँगै निम्न कागजातहरू लैजानुपर्दछ ।
अग्रपंत्तिमा खटिने कर्मचारीहरूकाे हकमा आफू कार्यरत संस्थाले प्रदान गरेकाे परिचयपत्र
राेग प्रतिराेधात्मक क्षमता कम भएकाे हकमा उपचार गराइरहेकाे वा औषधी सेवन गरिरहेकाे अस्पतालकाे पूर्जा
६० वर्ष माथिकाकाे हकमा उमेर खुल्ने परिचयपत्र
काठमाडौं उपत्यकाका यी १९ अस्पतालहरूबाट कोरोनाविरूद्ध बुस्टर डोज खोप उपलब्ध हुने
वीरेन्द्र सैनिक अस्पताल, नेपाल प्रहरी अस्पताल, सशस्त्र प्रहरी अस्पताल, त्रिवि शिक्षण अस्पताल, वीर अस्पताल, परोपकार प्रसूति तथा स्त्री रोग अस्पताल, शहीद शुक्रराज ट्रपिकल तथा सरुवा रोग अस्पतालमा बुस्टर डोज लगाइने छ ।
साथै निजामती कर्मचारी अस्पताल, सुभेक्षा अस्पताल, पिपुल्स डेन्टल अस्पताल, जनमैत्री अस्पताल, गान्डी इन्टरनेशनल अस्पताल, काठमाठौं मोडल अस्पताल, नर्भिक अस्पताल, नोबेल अस्पताल, बयोधा अस्पताल, शहीद स्मृति अस्पताल, नयाँ बसपार्क र एपेक्स पोलिक्लिनिक जडिबुटीमा पनि खोप लगाइन्छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- हङकङसँग पराजित हुँदा नेपाल इमर्जिङ एशिया कपमा छनोट हुनबाट बाहिरियाे
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
प्रतिकृया दिनुहोस