गाउँ सहर

नेपाल आयल निगमको निमित्त कार्यकारी निर्देशकमा सुशिल भट्टराई नियुक्त

• गाउँ सहर संवाददाता
• ६ माघ बिहीबार, २०७८ | ०६:२१:०० मा प्रकाशित

काठमाडौँ । नेपाल आयल निगमको निमित्त कार्यकारी निर्देशकमा सुशिल भट्टराई नियुक्त भएका छन् ।

निगमका नायव कार्यकारी निर्दशक रहेका भट्टराईलाई उद्योग वाणिज्य तथा आपूर्ति मन्त्रालयले निगमको निमित्त कार्यकारी निर्देशकको जिम्मेवारी दिएको हो ।

निगमका कार्यकारी निर्देशक सुरेन्द्रकुमार पौडेलले कार्यकाल पूरा गरेर अघिल्लो साता अवकास भएपछि निगम नेतृत्वविहीन रहेको थियो ।

सरकारले कार्यकारी निर्देशकका लागि विज्ञापन आह्वान गरपनि छनौट प्रक्रिया पुरा नभएकाले नयाँ कार्यकारी निर्देशन नियुक्त भएर नआउँदासम्मका लागि भट्टराईलाई निमित्तको जिम्मेवारी दिएको मन्त्रालयले जनाएको छ ।

निगमका विभिन्न पूर्वाधार आयोजना सहित नेपालको पहिलो पेट्रोलियम पाइप लाइन आयोजना सम्पन्न गर्न भट्टराईले मुख्य भूमिका खेलेका थिए ।