पाँच दलीय समन्वय समितिको बैठक स्थगित
- गाउँ सहर संवाददाता
- ६ माघ बिहीबार, २०७८ | १३:२५:०० मा प्रकाशित
काठमाडौं । आज बस्ने भनिएको पाँच दलीय समन्वय समितिको बैठक स्थगित भएको छ ।
स्थानीय तहको निर्वाचन लगायतका विषयमा छलफल गर्न आवश्यक तयारी नपुगेको भन्दै सत्तारुढ पाँच दलीय समन्वय समितिको बैठक स्थगित भएको हाे ।
प्रदेशसभा र प्रतिनिधिसभा तथा स्थानीय तह निर्वाचनसहितका विषयमा छलफल बिहीबार अपरान्ह ४ बजेका लागि बोलाइएको पाँच दलीय समन्वय समितिको बैठक स्थगित भएको हो ।
प्रधानमन्त्रीका प्रेस विज्ञ गोविन्द परियारले संयन्त्रको बैठक स्थगित भएको जानकारी दिएका छन् ।
यसअघि मंगलबार बसेको बैठकमा सत्तारुढमध्ये माओवादी केन्द्र, राष्ट्रिय जनमोर्चा र एकीकृत समाजवादीले प्रदेश र प्रतिनिधिसभा निर्वाचन पहिले गर्नुपर्ने प्रस्ताव गरेका थिए ।
तर यसबारेमा कांग्रेस र जनता समाजवादी पार्टीको ठोस धारणा आइसकेको छैन । निर्वाचन लगायतका अन्य विषयको आवश्यक तयारी गरेर मात्रै बैठक फेरि बस्ने बताइएको छ ।
निर्वाचन आयोगले स्थानीय तहको निर्वाचन आगामी वैशाखभित्रै गर्नेगरी सिफारिस गरिसकेको छ ।
सत्ता गठबन्धन दलहरूबीच निर्वाचन मितिबारे सहमति जुट्न सकेको छैन । निर्वाचन मिति तोक्ने विषयमा शीर्ष नेताहरुले फरक–फरक धारणा राखिरहेका छन् ।
गठबन्धनभित्र स्थानीय निर्वाचन पहिले या संघीय निर्वाचन पहिले भन्ने विवाद छ ।
यसअघि गत मंगलबार बसेको समितिको बैठकमा माओवादी केन्द्रका अध्यक्ष प्रचण्डले वैशाखमा संसदीय र कात्तिकमा स्थानीय तह निर्वाचन गर्ने प्रस्ताव राखेका थिए । त्यसबारे थप गृहकार्य गरेर आज बैठक बस्ने भनिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
प्रतिकृया दिनुहोस