भारतरत्न लता मंगेशकर रहिनन्, कोरोना र निमोनियाका कारण मृत्यु
- गाउँ सहर संवाददाता
- २३ माघ आइतबार, २०७८ | १०:२०:०० मा प्रकाशित
आखिर जे डर थियो त्यही भयो । भारतले आफ्नो सबैभन्दा अमूल्य रत्न गुमायो । कोरोनाको कर्कशले भारतको आवाज टुंग्याइदियाे । आज मेलोडी क्वीन लता मंगेशकरले कोरोनासँगको लडाइँमा हारेर संसारलाई बिदाइ गरिन् । उनले आज मुम्बईको ब्रीच क्यान्डी अस्पतालमा अन्तिम सास लिइन् । ९२ वर्षीया लताको कोरोना रिपोर्ट ८ जनवरीमा पोजेटिभ आएको थियो, त्यसपछि उनलाई तत्काल अस्पताल भर्ना गरिएको थियो । उनको भर्नाको खबर पनि दुई दिनपछि जनवरी १० मा सार्वजनिक भएकाे थियाे । उनले २९ दिनसम्म कोरोना र निमोनिया दुवैसँग मिलेर लडिन् ।
उनलाई ब्रीच क्यान्डी अस्पतालको आईसीयूमा राखिएको थियो । लामो समयदेखि लताको उपचार गर्दै आएका डाक्टर प्रतत सम्धानीको निगरानीमा चिकित्सकको टोलीले लताको उपचार गरिरहेको थियो । उपचारका क्रममा उनको स्वास्थ्यमा पनि सुधार देखिएको थियाे । उनलाई निरन्तर निगरानीमा राखिएको थियो । करिब ५ दिनअघि उनको स्वास्थ्यमा पनि सुधार आउन थालेको थियो । अक्सिजन निकालियो तर आईसीयूमा राखिएकाे थियाे ।
कोइली स्वरकी धनी, दिदी र ताई भनेर चिनिने लताको निधनले देशैभर शोकको लहर छ । फ्यानहरूले उनको स्वास्थ्य लाभको लागि प्रार्थना गरिरहेका थिए तर आज यो नराम्रो खबरले करोडौं संगीत प्रेमीहरूको मन छोएकाे छ ।
सयौं पुराना गीतलाई आफ्नो स्वर दिने लता आज अनन्त यात्रामा गएकी छन् ।
अलविदा ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस