सिके राउतकाे जनमत पार्टीले स्थानीय निर्वाचनका लागि उम्मेदवार माग्याे
- गाउँ सहर संवाददाता
- २५ माघ मंगलबार, २०७८ | १४:१८:०० मा प्रकाशित
काठमाडाैं । जनमत पार्टीले स्थानीय तहको उम्मेदवारका लागि स्वघाेषणासहित योग्य र मापदण्ड पुगेकाहरुको नाम सिफारिस गरेर केन्द्रीय कार्यालयमा पठाउन सूचना जारी गरेकाे छ ।
सरकारले स्थानीय तहको निर्वाचन मिति घोषणा गरेसँगै जनमत पार्टीले निर्वाचनको तयारी थालेको हाे ।
जनमत पार्टीका केन्द्रीय अध्यक्ष सीके राउतले मंगलबार एक सूचना जारी गर्दै योग्य र मापदण्ड पूरा गरेका उम्मेदवारहरुको सिफारिस गर्न भनेका छन् । सिफारिस भएर आएको नाम अन्तिम नहुने राउतले जनाएका छन् । उनले कार्यकारिणी समितिले विभिन्न च्यानलबाट आएका सबै सिफारिसहरूलाई मूल्याङ्कन गरेर टुङ्गो लगाउने जनाएका छन् ।
‘नेपाल सरकारबाट मिति २०७९ वैशाख ३० गते स्थानीय निर्वाचनको घोषणा गरिएको हुनाले जनमत पार्टीको तर्फबाट उम्मेदवार हुन योग्य तथा मापदण्ड पुगेकाहरूको नाम सिफारिस गरी केन्द्रीय सचिवालयमा पठाउन हुन अनुरोध छ’, राउतले भनेका छन् ।
राउतले कवरेज/मजबुत अभियानका पर्यवेक्षकले सिफारिस पठाउन, जिल्ला कार्यकारिणी समितिलाई सिफारिस पठाउन फागुन ५ गतेसम्मको समय दिएका छन् ।
त्यस्तै वडारपालिका कार्यकारिणी समितिलाई सिफारिस गरेर फागुन १५ गतेभित्र पठाउन भनिएको छ ।
सोमबार बसेको मन्त्रिपरिषद्को बैठकले आगामी वैशाख ३० गते एकै चरणमा स्थानीय तहको निर्वाचन गर्ने घोषणा गरेपछि दलहरु आ–आफ्नो तयारीमा लागेका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
- सुनको मूल्यमा नयाँ रेकर्ड कायम
- यसपालीकाे एसईई परीक्षा सुरु, ११ कक्षामा भर्ना हुन ३५ प्रतिशत अंक चाहिने
- मुगुमा जिप दुर्घटना हुँदा २ जनाको मृत्यु, ४ घाइते
- शेयरबजार : नेप्सेसँगै काराेबार गिरावट
- तोकिएको समयमा र कानुनअनुसार काम नगर्ने २३ वटा कम्पनी कालोसूचीमा
प्रतिकृया दिनुहोस