सिरक डसना बनाउने टहरामा आगो लाग्दा ३४ लाख बराबरकाे क्षति
- गाउँ सहर संवाददाता
- २५ फाल्गुण बुधबार, २०७८ | ०६:२५:०० मा प्रकाशित
काठमाडौं । काठमाडौंको चाबहिल सरस्वतीनगरस्थित एक सिरक डसना बनाउने टहरामा आगो लाग्दा ३४ लाख बराबरकाे क्षति भएकाे प्रारम्भिक अनुमान छ ।
भारतको मोतिहारी घर भइ हाल काठमाडौंको सरस्वतीनगर बस्दै आएका ४५ वर्षीय रहिम मन्सुरीको टहरामा मंगलबार बेलुकी ७:४५ बजेतिर आगो लागेको महानगरीय प्रहरी परिसर काठमाडौंले जनाएको छ ।
टहराबाट सल्केको आगोले वरिपरिका केही घरमा पनि क्षति पुर्याएको महानगरीय प्रहरी परिसर काठमाडौंले जनाएको छ ।
नेपाली सेना, नेपाल प्रहरी र सशस्त्र प्रहरी बलका सुरक्षाकर्मीहरुले ४ वटा दमकलको प्रयोगबाट २ घण्टामै आगो नियन्त्रणमा लिएका छन् ।
आगलागी नियन्त्रणका लागि नेपाल प्रहरीका १२५ जना, नेपाली सेनाबाट ३७ जना र सशस्त्र प्रहरीबाट ९ जना सुरक्षाकर्मी परिचालित भएका थिए। ४ वटा दमकल (जुद्ध बारुणयन्त्र काठमाडौंबाट २, भक्तपुरबाट १ र ललितपुरबाट १) को सहायतामा ९:१५ बजेतिर आगो नियन्त्रणमा लिइएको प्रहरीले जनाएको छ।
आगोले सिरक डसना बनाउने टहरा र सँगै रहेको दिनेश श्रेष्ठको ५ तल्ले घर समेतमा क्षति पुर्याएको प्रहरीले जानकारी दिएको छ। आगलागीबाट अन्दाजी ३४ लाख रुपैयाँ बराबरको क्षति भएको अनुमान गरिएको छ।
प्रारम्भिक अनुसन्धानका क्रममा विद्युत् सर्ट भइ आगो लागेको देखिएको प्रहरीले जानकारी दिएको छ। घटनाको सम्बन्धमा महानगरीय प्रहरी वृत्त वौद्धले थप अनुसन्धान गरिरहेको जनाइएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाल ‘ए’ लाई आयरल्यान्ड वल्भ्सले दियाे २२३ रनको विशाल लक्ष्य
- सुनको मूल्य हालसम्मकै उच्च, कतिमा हुँदैछ काराेबार ?
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
प्रतिकृया दिनुहोस