नेपाललाई २९३ रनको लक्ष्य
- गाउँ सहर संवाददाता
- ११ चैत शुक्रबार, २०७८ | १४:०१:०० मा प्रकाशित
काठमाडाैं । पपुवा न्यूगिनीविरुद्धको एक दिवसीय क्रिकेट जित्न नेपालले २ सय ९३ रनको लक्ष्य पाएको छ ।
त्रिवि क्रिकेट मैदान कीर्तिपुरमा टस हारेर पहिला ब्याटिङको निम्तो पाएको पाहुना टोली पीएनजीले पूरै ५० ओभर खेलेर ८ विकेट गुमाउँदै २सय ९२ रन बनायो । नेपालविरुद्धको एक दिवसीय क्रिकेटमा कुनै पनि टिमले बनाएको यो अहलेसम्मकै उच्च स्कोर हो ।
पीएनजीमा लागि चार्ल्स अमिनीले सर्वाधिक ७७ रन बनाए । यस्तै कप्तान असद भालाले ६०, नोर्मन भानुअले ४७, टोली उराले ३८ र रिले हेकुरेले ३१ रन बनाए । बलिङतर्फ नेपालका कमल ऐरी, सोमपाल कामी, दिपेन्द्र सिंह ऐरीले समान २ विकेट लिए । यस्तै सन्दीप लामिछाने र पवान सराफले एक एक विकेट लिएका छन् ।
पहिलो विकेट चाँडो गुमाएको पीएनजीले त्यसपछि संयमित भएर ब्याटिङ्ग गर्यो । टोनी उरा र कप्तान असद भालाले दोस्रो विकेटका लागि ४९ रनको साझेदारी गरे । दीपेन्द्र सिंह ऐरीले ३८ रन बनाएका पीएनजीका ओपनर उरालाई १३ ओभरको अन्तिम बलमा भीम सार्कीबाट क्याचआउट गराए । सार्कीको यो दोश्रो एक दिवसीय खेल हो ।
असद भाला ६० रन बनाएर २६ औं ओभरको पहिलो बलमा आउट भए । उनले तेस्रो विकेटका लागि चार्ल्स अमिनीसँग ७४ रनको साझेदारी गरे ।
सन्दीपले २७ औं ओभरमा कुशल भुर्तेलबाट उनलाई क्याचआउट गराए । पाँचौँ विकेटका लागि अमिनी र रिले हेकुरेबीच ६१ रनको साझेदारी भयो । ४२ औं ओभरमा पवनले ३१ रन बनाएका रिलेलाई बोल्ड गरे ।
छैटौं विकेटका लागि अमिनीले नन भानुअसँग ४८ रनको साझेदारी गरे । ७७ रन बनाएका अमिनीलाई ४६ औं ओभरमा सोमपालले बोल्ड गरे । अमिनीले १०३ बल खेल्दै ६ चौका १ छक्का प्रहार गरे । अन्तिम ओभरमा कमलले भानुअ र सिमोन अटाईलाई आउट गरे र आफ्नो नाममा दुई विकेट लेखाउन सफल भए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
प्रतिकृया दिनुहोस