हुन्डी कारोबारमा संलग्न रहेको अभियोगमा अग्रवालविरूद्ध मुद्दा दायर
- गाउँ सहर संवाददाता
- १७ चैत बिहीबार, २०७८ | १०:३२:०० मा प्रकाशित
काठमाडाैं । हुन्डी कारोबारमा संलग्न रहेको अभियोगमा गत फागुन २३ मा पक्राउ परेका भारतीय नागरिक अमितकुमार अग्रवालविरुद्ध राजस्व अनुसन्धान विभागले मुद्दा दायर गरेको छ । विभागले सात करोड ६० रुपियाँ असुलीको माग दाबीसहित बुधबार उच्च अदालत पाटनमा राजस्व छलीको मुद्दा दायर गरेको हो ।
भारत पश्चिम बङ्गाल, सिलगुडीका अग्रवाललाई फागुन २३ गते नगदसहित प्रहरीले काठमाडौँको ताहाचलबाट पक्राउ गरेको थियो । पक्राउपछि अनुसन्धान गर्दा अग्रवालले विमला इन्टरप्राइजेजबाट कारोबार गर्दा कानुनबमोजिमको बिजक जारी नगरी अर्डर फर्म तथा गैरबिजक जारी गरी मालसामान बिक्री गर्ने गरेको फेला परेको थियो ।
राजस्व छल्ने मनसायले अग्रवालले गरेको यस्तो कारोबारबाट हुने आयलाई व्यवसायको आधिकारिक बिक्री आयमा नजनाई ठूलो परिमाणको नगद घरमा राख्ने गरेको देखिएको विभागले जनाएको छ । यसअनुसार अग्रवालले आयकर ऐन तथा मूल्य अभिवृद्धि कर ऐन तथा नियमबमोजिम तिर्नुपर्ने करसमेत नतिरी राजस्व छलेको विभागले मुद्दामा उल्लेख गरेको छ ।
विभागले राजस्व अनुसन्धान (अनुसन्धान तथा नियन्त्रण) ऐन प्रतिकूलका कार्य गरी मूल्य अभिवृद्धि करतर्पm तीन करोड १७ हजार र आयकरतर्पm ८० लाख रुपियाँ छली गरेको जनाएको छ । यसअनुसार बिगोबमोजिम दोब्बर गर्दा करिव सात करोड ६० लाख रुपियाँ असुल गर्र्नुपर्ने माग गरिएको छ । बरामद भएको एक करोड ५० लाख रुपियाँसमेत असुलीअन्तर्गत जफत गर्नुपर्ने माग विभागको छ । अग्रवालसहित अर्का एक युवक पनि पक्राउ परेका थिए । विभागले उनलाई भने प्रतिवादी बनाएको छैन ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
प्रतिकृया दिनुहोस