अराजक अर्थमन्त्रीको दबाबमा प्रधानमन्त्रीले गभर्नर हटाउने सर्वथा गलत निर्णय लिएको एमालेकाे आरोप (पूर्णपाठसहित)
- गाउँ सहर संवाददाता
- २७ चैत आइतबार, २०७८ | १५:०२:०० मा प्रकाशित
काठमाडाैं । नेकपा एमालेले अराजक अर्थमन्त्रीको दबाबमा प्रधानमन्त्रीले गभर्नर हटाउने सर्वथा गलत निर्णय लिएको आरोप लगाएको छ । माओवादी केन्द्रका प्रभावशाली नेतासमेत रहेका अर्थमन्त्री जर्नादन शर्मालाई एमालेका तीन पूर्व अर्थमन्त्रीले संयुक्त रुपमा वक्तव्य नै दिएर अराजक अर्थमन्त्रीको आरोप लगाएको हो ।
वित्तीय अपचलनको मतियार हुन नपाएको, निहित स्वार्थ–समूहको व्यवसायिक स्वार्थ पूरा गर्न नपाएको, अर्थतन्त्र समाल्न नसकेको र अर्थमन्त्री फेर्नु पर्छ भन्ने चर्चा सत्ता गठबन्धनभित्रैबाट समेत उठिरहेको बेला अर्थमन्त्रीकै दबाबमा आफ्नो असफलता ढाक्न गभर्नरलाई कारबाही गरिएकोमा कुनै शंका नरहेको भन्दै एमालेका पूर्व अर्थमन्त्रीहरु सुरेन्द्र पाण्डे, विष्णु पौडेल र डा. युवराज खतिवडाले अर्थतन्त्रबारे एमालेको दृष्टिकोण सार्वजनिक गर्न आयोजना गरेको पत्रकार सम्मेलनमा अघिल्लो सरकारबाट नियुक्त भएकै कारण व्यावसायिक रुपमा दक्ष र इमानदार राष्ट्र सेवकहरु यो सरकारका कोपभाजन भएका दर्जनौं घटनाहरु रहेको समेत आरोप लगाएका छन् ।
गठबन्धन सरकारले अत्यन्त गैरजिम्मेवार ढंगले अहिले अर्थतन्त्रमाथि खेलवाड गरिरहेको आरोप पनि एमालेको छ । यसो गरेर गठबन्धनले आर्थिक स्थायित्व, विकास र सुशासनविरोधी आफ्नो सक्कली रुप देखाएको एमालेले बताएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस