कांग्रेसबाट सुनापति गाउँपालिका प्रमुखमा बेथानबाटै देखिए धेरै आकांक्षी
- गाउँ सहर संवाददाता
- २८ चैत सोमबार, २०७८ | ०८:०८:०० मा प्रकाशित
रामेछाप । आगामी वैशाख ३० हुने स्थानीय तह निर्वाचनमा देशभरी नै उम्मेदवारी घोषणाको लहर चलेको छ ।
सुनापति गाउँपालिकामा प्रमुखका लागि नेपाली कांग्रेसबाट बेथानबाट मात्रै आठ जनाले आकांक्षा देखाएका छन् । यस्तै उपप्रमुखका लागि एक जनाले दावी गरेकी छन् ।
नेपाली कांग्रेस रामेछाप प्रदेश सभा 'ख' का प्रदेश सभा तथा कार्यसमिति सदस्य आँधी लामाका अनुसार पालिका प्रमुखमा उनी स्वयम् पनि आकांक्षी हुन् । त्यसैगरि अन्य आकांक्षीमा केशव चालिसे, नारायण खड्का, सलाम लामा, दिपेन्द्र खड्का, रमेश के.सी. विरास दाेङ र उदय लामा रहेका छन् ।
यस्तै उपप्रमुखका लागि सरस्वती रायकाे नाम मात्र सिफारिस गरिएकाे छ ।
वडामा भने जिल्ला नेतृत्वले छानेकै व्यक्तिलाई सबैले सघाउने वडा सभापति तिलकबहादुर तामाङले बताए ।
गठबन्धन नभएकाे अवस्थामा माओवादीकाे लालकिल्ला भनेर चिनिने बेथान मात्रै हाेइन सुनापति पालिका नै नेपाली कांग्रेसले एकलाैटी जित्ने पालिका प्रमुख आकांक्षी आँधी लामाले दाबी गरे ।
लामाले भने-'कुनै बेला बेथानलाई माओवादीहरूले लालकिल्ला मान्थे त्याे लालकिल्ला पाँच वर्षअघि नै भत्किसकेकाे हाे अब यसपाली पाँचै वडादेखि पालिकासम्म कांग्रेसकाे विजयी चारतारे झण्डा फरफराउनेछ । त्यसमा कसैले शंका नगरे हुन्छ ।'
माओवादीकाे ज्यादति खेप्नु खेपिसकेकाे बताउँदै अब जनता जागिसकेकाेले कम्युनिष्टकाे तानाशाही र अधिनायकवादी घेरा ताेडेर चारतारे झण्डा गाढेर स्वतन्त्रता र न्यायकाे लडाइँकाे लागि कुनै पनि मूल्य चुकाउन पछि नपर्ने बताए ।
लामाले निर्वाचनमा कार्यकर्ता खर्चिलाे र लाेभी हुन नहुने भन्दै प्रलाेभनमा नफसि इमानदारसाथ कांग्रेसकाे रूख चिन्हमा भाेट हालेर पाँच वर्ष कामकाे मूल्याँकन गरेर पर्खन आग्रह गरे ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस