तोकिएकै समयमा निर्वाचन हुन्छ, कुनै पनि हालतमा सर्दैन : आयुक्त भण्डारी
- गाउँ सहर संवाददाता
- ३ बैशाख शनिबार, २०७९ | १५:२५:०० मा प्रकाशित
काठमाडाैं । निर्वाचन आयोगका आयुक्त रामप्रसाद भण्डारीले संविधानको सफल कार्यान्वयनका लागि तोकिएकै समयमा निर्वाचन गराउनुपर्ने भएकाले आगामी वैशाख ३० मा हुने निर्वाचन नसर्ने बताएका छन् ।
शनिबार जनकपुरमा आयोजित स्थानीय तहको निर्वाचनको मिडिया अभिमुखीकरण कार्यक्रममा बोल्दै उनले आम मतदातालाई मतदानमा भाग लिन पाउने अधिकारप्रति सचेत बनाउने खालका सञ्चार सम्प्रेषण गर्न पनि सञ्चार माध्यमहरूलाई आग्रह गरे ।
जिम्मेवार व्यक्तिले बोल्दै गर्दा विगतमा आफैंले लेखेर ल्याएको संविधानमा पनि एकपटक फर्केर हेर्नुपर्ने उनले बताए । उनले आगामी बैशाख ३० गते तोकिएको स्थानीय तहको निर्वाचन नसर्ने बताए ।
प्रमुख निर्वाचन आयुक्त थपलियाले भने, ‘निर्वाचनको यत्रो माहोल तयार गरिरहँदा निर्वाचन आयोग, तपाईं हामी सबै निर्वाचन भनेको समयमा हुनुपर्दछ भनिरहँदा अहिले कहीँकतै निर्वाचनप्रति संशय हुने खालका अभिव्यक्तिहरू पनि आएकोप्रति भने आयोग स्वाभाविक रूपले गम्भीर छ । म विनम्रतापूर्वक के अनुरोध गर्न चाहन्छु भने–निर्वाचनको मिति तय गर्नुभन्दा पहिले धेरै विषयमा बहस र छलफल भएकै थिए । वैशाख ३० गते अथवा जेठ ५ गते अगावै निर्वाचन हुनुपर्छ भनेर आयोगले भनिरहँदा संविधान र कानुनका विषयमा केही प्रसंगहरू चलेकै हुन्। त्यसलाई निर्वाचन मिति तोक्ने विषयमा भनेको एउटा तर्कको रूपमा हामीले स्वीकार गरेका पनि छौं। तर अब निर्वाचन आयोगको परामर्शमा नेपाल सरकारबाट मिति तय भइसकेको र त्यसलाई सामाजिक सारथीको रूपमा रहेर जुन भूमिका निर्वाह गरिराखेको छ ।’
उनले निर्वाचन आयोगले गत २५ गतेदेखि निर्वाचन आचार संहिता लागू गरिसकेकाले यसको सफल कार्यान्वयन गर्न सबैले आफ्नो तर्फबाट भूमिका खेल्नुपर्ने बताए । आचारसंहिताले आयोगसहित राजनीतिक दल, तिनै तहका सरकार, पत्रकार, कर्मचारीलगायतका क्षेत्रलाई बाँध्ने भएकाले यसको उलंघन नगर्न पनि अनुरोध गरे ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
प्रतिकृया दिनुहोस