पोखरा कांग्रेसले मेयरमा १८, उपमेयरमा १० आकांक्षीबाट साढे ६ लाख रुपैयाँ संकलन
- गाउँ सहर संवाददाता
- ४ बैशाख आइतबार, २०७९ | १७:०९:०० मा प्रकाशित
पोखरा । पोखरा महानगरपालिकाको मेयर पदको उम्मेदवार बन्न नेपाली कांग्रेसबाट बहालवाला मन्त्रीसहित १८ जनाले आवेदन दिएका छन् । आइतबार कांग्रेसको पोखरा महानगर समितिमा गण्डकी प्रदेशका कानुनमन्त्री विन्दुकुमार थापासहित १८ जनाले आवेदन दिएका हुन् ।
त्यस्तै उपमेयरका लागि ११ जनाको आबेदन परेको छ ।
देशका ६ वटा महानगरपालिकामध्ये पोखराको मेयर नेकपा एसले पनि १३ जनाको नाम सिफारिस गरेको छ भने उपप्रमुखको उम्मेदवारका लागि ४ जनाको नाम सिफारिस गरेको छ ।
पोखराको मेयरमा कांग्रेसका आकांक्षीमा सुदिपमोहन भट्टराई, परमेश्वर पोखरेल, निर्मल प्रसाद कर्माचार्य, कृष्ण बहादुर केसी, बाबुराम आचार्य, सरास्वती गुरुङ, नन्द प्रसाद तिवारी, गंगाधर पराजुली, विरेन्द्र नारायण विजुक्छे, विश्वशंकर पालिखे, किशोरदत्त बराल, विन्दुकुमार थापा, बाबुराम गिरी, गणेश बहादुर भट्टराई, कोपिला रानाभाट, किरण केसी, विश्व घिमिरे र ऋषि सापकोटा छन्
त्यसैगरि उपमेयरमा माया बराल कार्की क्षेत्री, लक्ष्मी पाण्डे क्षेत्री, रंगिला आचार्य, आनन्दी राणा कार्की, टिका कुमारी गुरुङ, दिपक मल्ल, मिलन थापा, चिनु गुरुङ, शिव केसी र गोविन्द नेपाली छन् ।
महानगरले मेयरका लागि २५ हजार र उपमेयरका लागि २० हजार शुल्क तोकेको आइतबार अपराह्न ४ बज्दासम्म खोलिएको आवेदन भर्ने आकांक्षीबाट कांग्रेसले सहयोगमा नाममा ६ लाख ५० हजार रुपैयाँ उठाएको छ ।
मेयरका १८ जना आकांक्षीबाट चार लाख ५० हजार रुपैयाँ र १० जना उपमेयरका आकांक्षीबाट दुई लाख रुपैयाँ गरी साढे ६ लाख रुपैयाँ उठाएको हो ।
कांग्रेसको विधानले चुनावका लागि आकांक्षी सिफारिस गर्दा कुनै प्रकारको शुल्क लिन रोक लगाएपनि पाेखर महानगर कांग्रेसले भने ठूलै रकम जम्मा गरेकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस