पोखरा महानगरमा अड्किएकाे भागवण्डाकाे गाँठाे आज फुक्ला ?
- गाउँ सहर संवाददाता
- ६ बैशाख मंगलबार, २०७९ | ०६:४२:०० मा प्रकाशित
काठमाडाैं । भागबण्डाको विषयमा सहमति हुन नसक्दा सत्ता गठबन्धनको बैठक निष्कर्षविहीन बन्न पुगेको छ । सोमबार प्रधानमन्त्री निवास बालुवाटारमा बसेको सत्ता गठबन्धनको बैठकमा पोखरा महानगरपालिकामा नेकपा एकीकृत समाजवादी र कांग्रेसले आ-आफ्नो दाबी नछाड्दा सहमति गाँठाे अड्किएकाे हो ।
दिनभर बालुवाटारमा भेला भएर छलफल गर्दा पनि सहमति नजुटेपछि आज मंगलबार विहान साढे ११ बजे बस्ने गरि बैठक टुङ्गिएकाे छ ।
प्रधानमन्त्री निवास बालुवाटारमा बसेको सत्तारुढ गठबन्धनको बैठकमा ६ वटा महानगरको भागवण्डा मिलाएर उपमहानगरमा प्रवेश गर्ने भनेर छलफल थालेका थिए ।
नेताहरुका अनुसार ५ वटा महानगरको भागवण्डा सहमति नजिक पुगेको छ, जसअनुसार कांग्रेसले काठमाडौं, ललितपुर र विराटनगर, माओवादी केन्द्रले भरतपुर र जनता समाजवादी पार्टीले वीरगञ्जको मेयर पाउने छ ।
अन्य महानगरपालिकाको विषयमा भने सहमति जुटेको बैठकपछि एक नेताले जानकारी दिए । ती नेताका अनुसार चितवनको भरतपुर महानगरपालिका माओवादीलाई दिने सहमति भएको छ । यस्तै जसपालाई वीरगन्ज तथा बाँकी महानगरपालिका कांग्रेसले लिने गरी भागबण्डामा सहमति जुटेको छ ।
बैठक पछि सरकारका प्रवक्ता समेत रहेका सूचना तथा सञ्चार प्रविधिमन्त्री ज्ञानेन्द्र बहादुर कार्कीले महानगर र उपमहानगरपालिकामा तालमेल गर्न गठबन्धन दलहरु सहमति नजिक पुगेको बताए । उनले मंगलबार साढे ११ बजे पुनः बैठक बसेर सहमतिलाई अन्तिम रुप दिइने दाबी गरे । ‘सबै ठाउँमा सहमतिको नजिक पुगेका छौँ । अन्तिम रुप दिनका लागि भोलि साढे ११ बजेपछि यहाँ यसरी मिल्यो भनेर जानकारी गराउँछौँ’, बैठकपछि भने । उनले ६ महानगरपालिका र ११ वटै उपमहानगरपालिकामा सहमति नजिक पुगिएको दाबी गरे ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
प्रतिकृया दिनुहोस