गठबन्धन बैठकको निर्णय : बागी उम्मेदवारी फिर्ता नगरे पार्टीबाट कारबाही गरिने (विज्ञप्तिसहित)
- गाउँ सहर संवाददाता
- १६ बैशाख शुक्रबार, २०७९ | १२:३१:०० मा प्रकाशित
काठमाडाैं । सत्ता गठबन्धनमा आवद्ध पाँच दलको बैठक सम्पन्न भएको छ । बैठकले तीनबटा निर्णय गरेको प्रधानमन्त्री शेरबहादुर देउवाका प्रेस विज्ञ गोविन्द परियारले जानकारी दिएका छन् । पाँचदलीय सत्तागठबन्धनले बागी उम्मेदवारलाई उम्मेदवारी फिर्ता लिन आग्रह गरेको छ ।
बैठकले ६ महानगर र ११ उपमहानगरपालिकामा प्रमुख, उपप्रमुखमा गठबन्धनको सहमति विपरित भएको उमेदवारी तत्कालन फिर्ता लिने निर्णय गरेको छ । यस्तै, सहमति विपरित स्वतन्त्र रुपमा दर्ता भएको उमेदवारी फिर्ता लिने पनि निर्णय गरिएको परियारले जानकारी दिए ।
बैठकले पाँच दलीय गठबन्धनबाहेक स्थानीय तहहरुमा अन्य दलहरुसँग भएको तालमेल तत्काल खारेज गर्ने र गठबन्धन भए सम्बन्धीत पार्टीले कारबाही गर्ने निर्णय गरेको छ ।
आज अपरान्ह ५ बजेसम्म उम्मेदवारी फिर्ता लिने समय छ । सत्तागठबन्धनबाहेक दलसँग भएका चुनावी तालमेल खारेज गर्न निर्देशन दिने सहमति पनि उनीहरूले गरेका छन् ।
चितवनलगायत ठाउँमा सत्तागठबन्धनका उम्मेदवारविरूद्ध बागी उम्मेदवारी परेको छ । यसअघि पनि सत्तागठबन्धनका शीर्ष नेताले आधिकारिक उम्मेदवारबाहेकका स्वतन्त्र (बागी) उम्मेदवारलाई उम्मेदवारी फिर्ता लिन आग्रह गरेका थिए ।
यसैबीच नेपाली कांग्रेसले बागी उम्मेदवारी दिने, बागीका प्रस्तावक र समर्थकलाई पार्टीबाट कारबाही गर्ने चेतावनी दिएको छ । बागी उम्मेदवारी फिर्ता नगरे पार्टीबाट स्वत: साधारण सदस्यसमेत नरहने गरी कारबाही गरिने कांग्रेसको चेतावनी दिएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
- सुनको मूल्यमा नयाँ रेकर्ड कायम
- यसपालीकाे एसईई परीक्षा सुरु, ११ कक्षामा भर्ना हुन ३५ प्रतिशत अंक चाहिने
- मुगुमा जिप दुर्घटना हुँदा २ जनाको मृत्यु, ४ घाइते
प्रतिकृया दिनुहोस