सुँगुरको मुटु प्रत्यारोपण गर्ने बिरामीको मृत्युको रहस्य यस्ताे रहेछ
- गाउँ सहर संवाददाता
- २५ बैशाख आइतबार, २०७९ | २०:५६:०० मा प्रकाशित
यसै वर्षको जनवरीमा अमेरिकाका डाक्टरहरूले ५७ वर्षीय डेभिड बेनेटको शरीरमा आनुवंशिक रूपमा परिमार्जित सुँगुरको मुटु प्रत्यारोपण गरेर ऐतिहासिक उपलब्धि हासिल गरेका थिए । तर, दुई महिनापछि उनको मृत्यु भयो । अहिले म्यासाचुसेट्स इन्स्टिच्युट अफ टेक्नोलोजी (एमआईटी) का अनुसन्धानकर्ताहरूले उनको मृत्युको कारण भनेका छन् । सुँगुरको मुटुमा पोर्साइन भाइरस रहेको उनीहरुको भनाइ छ, जसका कारण बेनेटको मृत्यु भएको आशंका गरिएको छ ।
भाइरस सुँगुरको मुटुमा लुकेको थियो
शल्यक्रिया गर्ने एक डाक्टर मोहम्मद मोहिउद्दीनले जनवरी ७ मा प्रत्यारोपण गर्दा बेनेटको अवस्था निकै कमजोर भएको बताए । यस्तो अवस्थामा पिग साइटोमेगालोभाइरस (पोर्साइन) नामको यो भाइरसले बेनेटको मृत्यु भएको हुनसक्छ ।
चिकित्सकहरुका अनुसार प्रत्यारोपणपछि बेनेट निको हुँदै गएको थियो र एकदिन अचानक उनको स्वास्थ्य बिग्रियो । त्यसपछि उनलाई विभिन्न किसिमका औषधि खुवाइएको थियो । उपचारको क्रममा उनको मुटु फुल्यो, पानीले भरियो र त्यसपछि उनको मृत्यु भयो ।
रिपोर्टका अनुसार बेनेटको शरीरमा सुँगुरको मुटु ठीकसँग धड्किरहेको बेला त्यसमा कोषहरू जम्मा भइरहेका कारण मुटुले पूर्ण रूपमा आराम गर्न सकेन । एक परीक्षणमा मुटुमा पोर्साइन भाइरस पनि भेटिएको थियो, जसका कारण मानव शरीरको रोग प्रतिरोधात्मक क्षमता निकै कमजोर हुन्छ । यद्यपि यो भाइरसले संक्रमण फैलाएको हो वा होइन भन्ने अझै टुंगो लागेको छैन ।
सुँगुरको मुटु किन प्रत्याराेपण ?
मेरील्याण्डमा बस्ने बेनेट लामो समयदेखि मुटुको समस्याबाट ग्रसित थिए । समस्या बढ्दै गएपछि अन्तिम विकल्पका रूपमा सुँगुरको मुटु प्रत्यारोपण गर्ने योजना बनाइएको थियो । जब बेनेटलाई यसबारे बताइयो, उनले भने कि मसँग दुईवटा मात्र विकल्प छन्- मृत्यु वा प्रत्यारोपण। यो अँध्यारोमा तीर हाने जस्तै हो, तर म बाँच्न चाहन्छु ।
सुँगुरको मुटु मात्र किन ?
अंग प्रत्यारोपण रिपोर्टहरूले सुझाव दियो कि सुंगुरको मुटु मानिसमा प्रत्यारोपणको लागि उपयुक्त थियो, तर सुँगुरको कोशिकाहरूमा अल्फा-गल सुगर सेल हुन्छ । मानव शरीरले यो कोशिकालाई स्वीकार गर्दैन, जसका कारण बिरामीको मृत्यु पनि हुन सक्छ । यस समस्यालाई हटाउन पहिले सुँगुरलाई आनुवंशिक रूपमा परिमार्जन गरिएको थियो ।
एजेन्सीकाे सहयाेगमा गाउँ सहर डटकम ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- कांग्रेस सांसद टेकबहादुर गुरुङको निलम्बन फुकुवा गर्न सर्वोच्चकाे आदेश
- बजेट लेख्न समिति गठन
- लोकेशको शतक तर आरिफबाहेक अरू ब्याटर नचल्दा आयरल्यान्ड वल्भ्ससँग पराजित
- नेपाल ‘ए’ लाई आयरल्यान्ड वल्भ्सले दियाे २२३ रनको विशाल लक्ष्य
- सुनको मूल्य हालसम्मकै उच्च, कतिमा हुँदैछ काराेबार ?
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
प्रतिकृया दिनुहोस