समग्र देशमा निर्वाचन सहभागिता किन घट्यो, काठमाडौँमा ५२ प्रतिशत मात्रै मत खस्नुको सन्देश के हो ?
- गाउँ सहर डेस्क
- ३१ बैशाख शनिबार, २०७९ | ०९:२८:०० मा प्रकाशित
काठमाडाैँ । निर्वाचन आयोगले योग्य मतदातामध्ये करिब ६४ प्रतिशतले मात्रै स्थानीय तह निर्वाचनमा मतदान गरेको जनाएको छ ।
वि.सं. २०७४ सालमा सङ्घीय संरचना कार्यान्वयनमा आएपछि भएको पहिलो स्थानीय तह निर्वाचनमा ७४ प्रतिशत बढीले मतदान गरेका थिए । तर त्यसपछिको संसदीय निर्वाचनमा ७० प्रतिशत भन्दा कम मतदान भएको थियो ।
आयोगले काठमाडाैँ महानगरपालिकामा प्रारम्भिक अनुमानमा ५२ प्रतिशत मात्रै मत खसेको जनाएको छ । यसै विषयलाई लिएर प्रमुख निर्वाचन आयुक्त दिनेशकुमार थपलियाले सन्ताेषजनक नभएकाे बताए ।
तीन लाख मतदाता रहेको महानगरमा पाँच वर्षअघि भएको निर्वाचन भन्दा करिब २१,००० नयाँ मतदाता थपिएका छन् । विसं २०७४ सालमा भएको अघिल्लो स्थानीय तह निर्वाचनमा काठमाडाैँ महानगरमा २,७९,३०९ जना योग्य मतदाता थिए । उक्त निर्वाचनमा कुल मतदाताको ७० प्रतिशत मत मात्रै महानगरमा खसेको थियो । खसेको मत मध्ये पनि १५ प्रतिशत मत बदर भएको थियो ।
यसरी मतप्रतिकाे आकर्षण घट्नुमा स्थानीयनुसारकाे सम्भावनालाई उम्मेदवारले नजरअन्दाज गरेकाे, सत्तालिप्सा भएकाे, उद्याेग र उत्पादनमा ध्यान नदिएकाे राजनीतिक पण्डितहरूकाे जिकीर छ । जसले गर्दा विदेशिनेकाे संख्या बढेकाे, बसेकाे स्थानबाट मत हाल्न नपाउनु, याेग्य उम्मेदवार दलहरूले नउठाउनु, उनीहरूकाे भनाइ छ । उनीहरू भन्छन् - यदि यस्तै अवस्था हुने हाे भने आगामी दिनहरूमा याे संख्या निक्कै घट्ने छ ।
यसपालिको चुनावमा निर्वाचनको अघिल्लो दिनसम्ममा १८ वर्ष पूरा भएका एक करोड ७७ लाख ३३ हजार ७२३ मतदाताले मत खसाल्न पाउने योग्य मतदाता थिए ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस