यस्ताे छ रामेछापकाे गोकुलगंगा गाउँपालिकाका नवनिर्वाचित जनप्रतिनिधिकाे पहिलो निर्णय
- गाउँ सहर संवाददाता
- ११ जेठ बुधबार, २०७९ | २२:३७:०० मा प्रकाशित
रामेछाप । रामेछापकाे गोकुलगंगा गाउँपालिकाले पालिका भरिका गर्भवती महिलालाई निःशुल्क एम्बुलेन्स सेवा र वडा नं १ देखि वडा नं ६ सम्मका जेष्ठ नागरिकलाई सम्मान गर्ने निर्णय गरेकाे छ ।
नवनिर्वाचित अध्यक्ष काजीबहादुर खड्का (दिनेश) उपाध्यक्ष उषादेवी कार्कीकाे पदबहालीकाे क्रममा अध्यक्ष खड्काले उक्त दुई निर्णय गर्दै आफ्नो कार्यभार सम्हालेका हुन् ।
अध्यक्ष खड्काले गोकुलगंगा गाउँपालिका भित्रका गर्भवती महिलाहरुले आर्थिक अभावको कारण उचित स्वास्थ्य सेवा प्राप्त गर्नको लागि अस्पतालसम्म पुग्न नसकी अकालमा ज्यान गुमाउनु परेको घट्नाहरु धेरै भएकाले त्यस्ता महिलाहरुलाई सहयोग पु¥याउने उद्देश्यले पहिलो निर्णय गरेर कार्यभार सम्हालेका हुन् । गाउँपालिका मातहात रहेका एम्बुलेन्स मार्फत स्वास्थ्य संस्था सम्म पु¥याउन निःशुल्क एम्बुलेन्स सेवा उपलब्ध गराइने निर्णयमा उल्लेख छ ।
त्यस्तै गाउँपालिकामा रहेका सम्पूर्ण जेष्ठ नागरिकहरु प्रेरणाका श्रोतहरु भएकाले उहाँहरुलाई राज्यले सम्मान गर्नुपर्ने कुरालाई ध्यानमा राख्दै पालिकाभरीका जेष्ठ नागरिकलाई उचित सम्मान गर्ने अर्को निर्णय पनि गरेकाे अध्यक्ष खड्काले बताए ।
नेपाली कांग्रेसबाट निर्वाचित अध्यक्ष खड्काले जनताको भावना अनुसार काम गर्ने प्रतिवद्धता जनाउँदै गोकुलगंगाबासीको आवश्यकतालाई मुख्य केन्द्रमा राखेर फास्ट ट्रयाकबाट काम सुरु गरिने धारणा व्यक्त गरेका छन् । अध्यक्ष खड्काले पाँच वर्षको कार्यकालमा सबैको सुझाव लिएर पालिकावासीको आवश्यकतालाई पहिचान गरेर आफ्नो टिम अगाडि बढ्ने प्रतिवद्धता जनाएका छन् ।
त्यस्तै उपाध्यक्ष कार्कीले पनि आफू विधि र पद्धतीमा रहेर सबैसँग सहकार्य गरेर अगाडि बढ्ने प्रतिवद्धता जनाएकी छिन् ।
आफ्नो कार्यकालमा नागरिकको आवश्यकता अनुसार नागरिक मैत्री सेवा दिने गरी अगाडि बढ्ने प्रतिवद्धता व्यक्त गरिन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
प्रतिकृया दिनुहोस