शनिबार र आइतबार बिदा दिने व्यवस्थाले स्वास्थ्य र शिक्षाको क्षेत्रमा प्रतिकूल प्रभाव पर्ने - नेता जोशी
- गाउँ सहर संवाददाता
- १२ जेठ बिहीबार, २०७९ | २२:००:०० मा प्रकाशित
पाँचथर । राष्ट्रिय प्रजातन्त्र पार्टी (राप्रपा) पाँचथरका नेता राजकुमार जोशीले शनिबार र आइतबार बिदा दिने व्यवस्थाले स्वास्थ्य र शिक्षाको क्षेत्रमा प्रतिकूल प्रभाव पारेको भन्दै, तत्काल समस्या समाधान गर्न सरकारको ध्यानाकर्षण गरेका छन् ।
‘साताको दुई दिन बिदा दिने सरकारको निर्णयले स्थानीय तहमा प्रतिकूल असर पारेको देखिन्छ । विशेष गरेर स्वास्थ्य र शिक्षाको क्षेत्रमा सेवाग्राही र विद्यार्थीमाथि नकारात्मक प्रभाव परेको छ । पाँचथरका भुईँ तहबाट हामीले यस्तै प्रतिक्रियाहरु प्राप्त गरेका छौं,’ राप्रपा पाँचथरका नेता जोशीले बिहीबार भने ।
नयाँ व्यवस्था लागू भएपछि, स्थानीय तहमा स्वास्थ्य चौकीहरु शनिबार र आइतबार बन्द रहने गरेकोले स्वास्थ्यसम्बन्धी अत्यावश्यक सेवाबाट स्थानीय जनताहरु वञ्चित भएको उनको भनाइ छ । ‘एक्कासी आएको नयाँ व्यवस्थाले विद्यार्थीहरुको पठनपाठनको नियमिततामा अवरोध सिर्जना भएको छ,’ उनले भने ।
‘यसैकारण स्वास्थ्य र शिक्षाको क्षेत्रमा दुई दिनको बिदाबाट उत्पन्न समस्या तत्काल समाधान गर्न सरकारको गम्भीर ध्यानाकर्षण गर्दछौं,’ जोशीले भने ।
उनले जनताको ढाड भाँच्ने पेट्रोलियम पदार्थको अव्यवहारिक मूल्य वृद्धि फिर्ता लिन पनि सरकारसँग जोडदार माग गरेका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- कपिलवस्तुको पकडीमा ४० घर जलेर नष्ट, एकसराे लुगा पनि निकाल्न पाएनन्
- हङकङसँग पराजित हुँदा नेपाल इमर्जिङ एशिया कपमा छनोट हुनबाट बाहिरियाे
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
प्रतिकृया दिनुहोस