थेगेन शेयर घट्ने क्रम बजेटले, दुई प्रतिशत माथिको गिरावट
- गाउँ सहर संवाददाता
- १६ जेठ सोमबार, २०७९ | १५:४७:०० मा प्रकाशित
काठमाडाैं । साताको पहिलो कारोबार अर्थात सरकारले प्रस्तुत गरेको बजेटको भोलीपल्ट शेयर बजार ५० अंकले घटेको छ । आइतबार सरकारले बजेट ल्याउने भन्दै प्रतिक्षमा बसेका लगानीकर्ताहरु सोमबार आशावादी हुन सकेनन् । बजेटमा पूँजी बजारका सम्बन्धमा खासै सम्बोधन नगरे पछि लगानीकर्ताले धमाधम घट्दो मूल्यमा शेयर बिक्री गरेका हुन् ।
यसदिन सेयर बजार २.२६ प्रतिशतले घटेर २१७३.४४ बिन्दुमा झरेको छ । कुल २२७ कम्पनीको २६ हजार ९४९ कारोबारबाट ३४ लाख ५६ हजार ५२९ कित्ता सेयर किनबेच भएको छ ।
सोमबार कारोबार रकम भने १ अर्ब ३३ करोड ८८ लाख ६ हजार २८२.३७ रुपैयाँको भएको छ ।
साधारण शेयर निष्काशन गरेर भर्खरै कारोबारमा आएका बलेफी हाइड्रो, उपकार लघुवित्तको शेयर मूल्य साढे ८ प्रतिशतदेखि १० प्रतिशतसम्म बढेको छ । गणपति लघुवित्तसँगै केही सामुहिक लगानी कोषका इकाईहरुको मूल्य उकालो लागेको बजारमा सोमबारदेखि कारोबार सुचारु भएको नेपाल इन्भेष्टमेण्ट बैंकको शेयर मूल्य १० प्रतिशतले घटेको छ । ज्योती लाइफ इन्स्योरेन्स, लाफ इन्स्योरेन्स कर्पोरेशन, मल्टीपर्पस फाइनान्स, युनाइटेड इदी मार्दी आरबी हाइड्रोपावर लगायत कम्पनीको शेयर मूल्यमा धेरै गिरावट आएको छ ।
कारोबार रकमका आधारमा यस दिन नेपाल टेलिकम शीर्ष स्थानमा रहेको छ । सो कम्पनीको यस दिन ४ करोड ९६ लाख रुपैयाँ बराबरको शेयर कारोबार भएको छ ।
त्यसैगरी, यस दिन अरुण भ्याली हाइड्रोपावर, हिमालयन डिष्टिलरी र एनआईसी एशिया बैंकको ४ करोडभन्दा बढीको शेयर खरिदबिक्री भएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस