बिजुलीकाे तार बेच्न खाेज्ने सुनापतिका थिङ पक्राउ, १२ हजारकाे हिसाब खाेज्ने तयारीमा गाउँले
- गाउँ सहर संवाददाता
- २२ जेठ आइतबार, २०७९ | १३:२३:०० मा प्रकाशित
काठमाडाैं । बिजुलीकाे तार बेच्न खाेज्ने रामेछाप सुनापति गाउँपालिका-३, हिलेदेवीबाट दुई जना पक्राउ गरिएकाे छ ।
जिल्ला प्रहरी कार्यालय रामेछापका डिएसपी राजकुमार थिङका अनुसार बिजुली बत्तिकाे तार बेच्ने स्थानीय बाल्धाेज भनिने भाेजबहादुर थिङ र उक्त तार लिन काठमाडाैंबाट गएका अर्का एकजनालाई पक्राउ गरिएकाे पुष्टि गरे ।
डिएसपी तामाङका अनुसार केही वर्षअघि स्थानीयसँग प्रति घर १२ हजार रूपैयाँ उठाएर बत्ति बालिएकाे र केही उब्रिएरका तार र टुक्रा सामानहरू कवाडीलाई बेच्ने क्रममा उनीहरूलाई पक्राउ गरि साेधपुछ गरिएकाे बताए ।
पक्राउ परेका उनीहरूलाई स्थानीय जनप्रतिनिधि लगायतकाे राेहबरमा छाडिएकाे अस्थायी प्रहरी बिट साँदीडाँडाका प्रहरी हवल्दार गजेन्द्र कुमार शाहले जानकारी दिए ।
बरामद तारसहित पक्राउ परेका उनीहरूलाई पछि अनुसन्धान हुनेगरि स्थानीय जनप्रतिनिधहरूका्े राेहबरमा छाडिएकाे हवल्दार शाहले बताए ।
उक्त विषयमा विद्युत प्राधिकरणले छानबिन गर्ने बताएकाे छ ।
पक्राउ परेका थिङकाे नेतृत्वमा केही वर्षअघि प्रति घरपरिवार १२ हजार रूपैयाँ उठाएर बत्ति बालिए पनि अहिलेसम्म त्यसकाे हिसाब किताब सार्वजनिक नभएकाे स्थानीयहरूले गुनासाे गरेका छन् । त्यतिबेला स्थानीयसँग पैसा उठाएर बत्ति बालिए पनि पछि केन्द्रिय प्रसारणकाे लाइन जाेडिएकाे थियाे । तर त्याेबेलाकाे हिसाब सार्वजनिक नभएकाे भन्दै उजुरी गर्ने तयारीमासमेत रहेकाे एक स्थानीयले बताए ।
उनले भने- "सात आठ वर्ष अघि नै जनताले १२ हजार रूपैयाँ बाख्रा कुखुरा, गाइ भैंसी नभनि बेचेर पैसा बुझाइयाे, बत्ति पनि आयाे तर हामीलाई न पैसा बुझाएकाे भाैचर रसिद दिइयाे न भाैचर । कतिले पैसा नतिरे पनि बाले । पछि मन्थलीकाे कि कहाँकाे लाइन जाेडिएकाे छ अहिले बत्ति । जनताले बुझाएकाे पैसाेकाे हिसाब किताब यत्राे वर्ष बित्दा पनि सार्वजनिक गरिएकाे छैन । हामीले सुनेकाे काठमाडाैंमा कुलमान घिसिङसँग कुरा मिलाएर तार र पाेल निशुल्क ल्याएकाे तर यता बत्ति छिटाे बाल्ने निहुँमा हामीसँग पैसा उठाएकाे भन्छन् । बास्तविकता के हाे ? हामीले थाहा पाएका छैनाैं । सुनापतिमा हाम्राे हिलेदेवीका बासिन्दाले मात्रै १२ हजार तिरेकाे रहेछ । यस्ताे विभेद कसरी हुन गयाे याे प्रश्न गाउँकाे भाइ भतिजाे हाे कुलमान घिसिङ उसलाई पनि प्रश्न हाे ।"
"कुलमानकै गाउँ बेथानकाले तिर्नुनपर्ने हामीले चाहीँ किन तिर्नुपर्याे । एउटै पालिकामा किन विभेद ? यस विषयमा उजूरी गर्ने हाे । हामीले पैसा तिरेर बालेकाे बत्तिमा माओवादीले बालेकाे हाे भन्दै यसपाली माओवादीले जितेन भने कुलमानकाे जागिर जान्छसमेत भनेर भ्रम छरे । यति लाजमर्दाे गरेर भाेटकाे राजनीति गरियाे त्यसैले हामीले बुझाएकाे पैसाकाे हिसाब किताब पनि चाहियाे ।" उनले थपे ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
प्रतिकृया दिनुहोस