रूपन्देही दुर्घटनामा मृत्यु भएकामध्ये आठ जनाको सनाखत
- गाउँ सहर संवाददाता
- २२ जेठ आइतबार, २०७९ | १९:३९:०० मा प्रकाशित
भैरहवा । जनकपुरबाट भैरहवा आउँदैगरेको लु.२ ख. ३८४१ नम्बरको यात्रुबाहक बस रूपन्देहीको रोहिणी नदीमा दुर्घटना हुँदा ९ जनाको मृत्युभएकामध्ये आठ जनाको सनाखत भएको छ ।
आइतबार बिहान करिब ४ बजेर २० मिनेटमा भैरहवा–परासी सडकखण्ड अन्तर्गत रुपन्देहीको रोहिणी गाउँपालिका –३ र ओमसतिया गाउँपालिका–४ को सीमाना स्थित बसन्तपुर पुलबाट बस रोहिणी नदीमा खसेर दुर्घटनामा परेको थियो ।
दुर्घटनाको खबर पौने ५ बजेतिर आएलगत्तै प्रहरी घटनास्थल पुगेको जिल्ला प्रहरी कार्यालय रूपन्देहीले जनाएको छ ।
दुर्घटनामा परी मृत्यु हुनेमा बुटवल योगिकुटीका ५६ वर्षीय बिष्णु पौडेल, बुटवल ११ कालिकानगरका कृष्णप्रसाद बस्याल, रौतहट चन्द्रनिगाहपुरका २० वर्षीय दिनेश दास, रूपन्देहीकै ओमसतिया गाउँपालिका ४ मटेरियाका राजेन्द्रप्रसाद पाण्डे रहेका छन् । यस्तै, रूपन्देहीको तिलोत्तमा नगरपालिका ९ की तुलसी बस्याल र भारतीय नागरिकहरु अरविन्द्र शर्मा, नागेन्द्र शर्मा र सन्जय गुप्ताको पनि दुर्घटनामा मृत्यु भएको प्रहरीले जनाएको छ ।
मृत्यु भएकामध्ये एक जनाको सनाखन हुन नसकेको जिल्ला प्रहरी कार्यालय रुपन्देहीले जनाएको छ । बसमा सवार ३३ जनामध्ये २५ जना पुरुष, ६ महिला र दुई बालिका थिए ।
बस दुर्घटनामा २४ जना घाइते भएका छन् ।उनीहरुको भैरहवास्थित भीम अस्पताल, सिद्धार्थनगर सिटी अस्पताल तथा युनिभर्सल मेडिकल कलेजमा उपचार भइरहेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
- नेपालकाे लगातार चाैथाे जीत, साउदी अरबलाई ६ विकेटले पराजित
- काठमाडौं महानगरपालिकाद्वारा आजदेखि क्यान्सरको निःशुल्क परीक्षण शुरू
- सेमिफाइनल पुगिसकेकाे नेपालले आज साउदी अरेबियासँग खेल्दै
- कोलकातामाथि राजस्थानको रोमाञ्चक जित
प्रतिकृया दिनुहोस