लगातार घट्दाे यात्राबाट शेयरबजारका लगानीकर्ता निराश
- गाउँ सहर संवाददाता
- ३० जेठ सोमबार, २०७९ | १५:४४:०० मा प्रकाशित
काठमाडाैं । निरन्तर घटिरहेकाे शेयरबजार साताको पहिलो कारोबार दिन सोमबार पनि थामिएन । यसदिन नेपाल स्टक एक्सचेञ्ज परिसूचक (नेप्से) २०३२.३४ विन्दुमा झरेको छ ।
१५.८२ अंकले घटेको बजारमा मानुषी लघुवित्त, एनएमबी ५०, ओरियन्टल होटल र बुद्धभूमि नेपाल हाइड्रोपावरको शेयरमूल्य सबैभन्दा बढी घटेका छन् । सबैभन्दा धेरै जीवन बीमा कम्पनीहरुको लगानीकर्ताले गुमाएका छन् ।
यस दिन २३० स्टकको २० हजार ७७४ पटकको कारोबारमा ९९ करोड ८६ लाख ७४ हजार रुपैयाँ बराबरको २९ लाख २० हजार कित्ता शेयर खरिदबिक्री भएको छ ।
बलेफी हाइड्रोपावरको मूल्य ९.९९ प्रतिशतले बढ्दै २८९.३० रुपैयाँमा कारोबार भयो । ग्रिन भेन्चर लिमिटेडको मूल्य समेत ९.९८ प्रतिशतले बढेर ३२०.७० रुपैयाँ पुगेको छ । युनिलिभर नेपालको मूल्य ४.१० प्रतिशतले बढ्दै १८ हजार १ सय पुग्यो ।
कारोबार रकमका आधारमा यस दिन सानिमा बैंक शीर्ष स्थानमा रहेको छ । सो बैंकको यस दिन ९ करोडभन्दा बढीको शेयर खरिदबिक्री भएको छ । त्यसैगरी, यस दिन उपकार लघुवित्त र सिभिल बैंकको ५ करोडभन्दा बढीको शेयर कारोबार भएको छ ।
यस दिन १३ वटै उपसमूहको परिसूचक ओरालो लागेका छन् ।
बजेट (१५ जेठ) पछि एक दिन मात्र बढेको बजार अन्य दिन भने निरन्तर घटिरहेको छ । लगानीकर्ता अहिले पनि पर्ख र हेरको अवस्थामा रहँदा बजारले गति समात्न सकेको छैन । निरन्तर घट्दाे बजारका कारण लगानीकर्ताहरू निराश भएका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- एमालेको राष्ट्रिय महाधिवेशन प्रतिनिधि परिषद् बैठक आजबाट सुर
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
प्रतिकृया दिनुहोस