रामेछाप बस दुर्घटनामा १३ जनाकाे मृत्यु, धेरै खनियापानीका (नामावली सहित)
- गाउँ सहर संवाददाता
- २१ असार मंगलबार, २०७९ | १६:००:०० मा प्रकाशित
रामेछाप । रामेछापको सुनापति गाउँपालिका–५ लुभुघाटमा आज बिहान भएको बस दुर्घटनाबाट ज्यान गुमाउनेको संख्या १३ पुगेको छ । ९ जनाको घटनास्थलमै र बाँकी चार जनाको धुलिखेल अस्पतालमा उपचारको क्रममा निधन भएको हो ।
दुर्घटनामा परी २० जना भन्दा बढी घाइते भएका छन् । जिल्ला प्रहरी कार्यालय रामेछापका डिएसपी राजकुमार थिङले गाउँ सहर डटकमलाई दिएको जानकारी अनुसार बस दुर्घटनाबाट मृत्यु हुनेको संख्या १३ पुगेको छ । मृत्यु हुनेमा सबै भन्दा धेरै सुनापति गाउँपालिका–५ खनियापानीका परेका छन् ।
मृत्यु हुनेहरुमा सुनापति गाउँपालिका–५ खनियापनीका ४० वर्षिय ठूला तामाङ, सोही वडाका वर्ष ३६ का खड्ग बहादुर विक, सुनापति गाउँपालिका–४ बेथानका समृता तामाङ, काभ्रे पाँचखाल नगरपालिका–८ का २५ वर्षिय कमल तामाङ, सोही वडाका वर्ष १८ का सुदिप बजगाई, सुनापति गाउँपालिका–५ कै २२ वर्षिय विपना तामाङ, काभ्रे मण्डनदेउपुर गाउँपालिका–९ का शिवलक्ष्मी मानन्धर, सुनापति गाउँपालिका–५ का वर्ष ३६ की सन्जु आलेमगर, काभ्रे पाँचखाल नगरपालिका–८ का ४० वर्षिय तुलबहादुर विक रहेका छन् ।
प्रहरीका अनुसार उनीहरुको घटनास्थलमै मृत्यु भएको हो ।
यसैबीच दुर्घटनामा परी घाइते भएर उपचारका लागि धुलिखेल पठाइएका चार जनाको पनि उपचारको क्रममा निधन भएको छ । अस्पतालमा निधन हुनेहरुमा सुनापति गाउँपालिका–५ का ४५ वर्षिय रामबहादु श्रेष्ठ, सोही वडाका २४ वर्षिय बृद्ध तामाङ र वर्ष ६० का नेमा तामाङ रहेको प्रहरीले जनाएको छ । अस्पतालमा मृत्यु भएका एक जनाको भने सनाखत हुन बाँकी रहेको प्रहरीले बताएकाे छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
प्रतिकृया दिनुहोस