भक्तपुर अस्पतालको न्युनतम सेवा मापदण्डबारे संयुक्त मूल्यांकन
- गाउँ सहर संवाददाता
- २७ असार सोमबार, २०७९ | २०:१५:०० मा प्रकाशित
भक्तपुर । भक्तपुर नगरपालिकाका प्रमुख सुनिल प्रजापतिले सरकारी अस्पतालहरुले समयसापेक्ष ढंगले सेवा सुविधा बढाउँदै लानुपर्ने बताएका छन् ।
भक्तपुर अस्पतालको आयोजनामा भएको भक्तपुर अस्पतालको न्युनतम सेवा मापदण्ड (एम.एस.एस) बारे भएको संयुक्त मूल्यांकन कार्यक्रममा बोल्दै प्रमुख प्रजापतिले सरकारले स्वास्थ्य बीमा कार्यक्रमलाई प्रभावकारी ढंगले सञ्चालन गर्न सके धेरै जनता लाभान्वित हुने बताए ।
भक्तपुर अस्पताल बागमती प्रदेशकै नमुना अस्पतालको रुपमा स्थापित हुनु आफैँमा गौरवको विषय भएको बताउँदै उनले पछिल्लो दिनमा भक्तपुर अस्पतालमा उपचार सेवादेखि लिएर जनशक्ति, उपकरण र व्यवस्थापन समेत सुदृढ र बलियो बन्दै गएको बताए ।
भक्तपुर नगरपालिकाद्वारा सञ्चालित १०० शैय्या क्षमताको ख्वप अस्पताललाई सुविधासम्पन्न अस्पतालको रूपमा विकास गर्न यही वर्षदेखि सिटी स्क्यान सेवा सञ्चालन गर्ने योजना रहेको बताउँदै उनले ख्वप अस्पताललाई नमूनाका रुपमा विकास गर्ने लक्ष्यका साथ अगाडि बढिरहेको बताए ।
भक्तपुर अस्पतालका मेडिकल सुपरिटेन्डेन्ट श्रीधर अर्यालले नेपालकै दोस्रो जेठो भक्तपुर अस्पतालमा उपलब्ध सेवा सुविधा र चुनौतीहरुबारे जानकार गराउँदै भक्तपुर अस्पताल सबैको साझा अस्पताल भएको हुँदा यसको विकास र प्रगतिमा सबैले हातेमालो गर्नुपर्ने बताए ।
कार्यक्रममा संघीय स्वास्थ्य मन्त्रालयका पवनकुमार साहले भक्तपुर अस्पतालको गुणस्तर सुधारको लागि न्युनतम सेवा मापदण्डबारे समीक्षा गर्दै अस्पतालको सबल पक्ष र कमजोर पक्षबारे अवगत गराएका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेशनल पेमेन्ट गेटवे प्रकरणमा सुनिल पौडेल दोषी ठहर
- नेपाली सेनामा दुई हजार ६१५ रिक्त पदमा दरखास्त आवेदन माग
- लुम्बिनी बौद्ध विश्वविद्यालयको रजिष्ट्रार पदमा ७ जनाबीच प्रतिस्पर्धा
- सिन्धुपाल्चोकमा जन्ती बाेकेकाे बस दुर्घटना, ३ जनाको मृत्यु
- लुम्बिनी प्रदेशमा ११ सदस्यीय मन्त्रिपरिषद : ७ मन्त्रीले लिए शपथ
- शेयरबजार निरन्तर घट्न थालेपछि लगानीकर्ता निराश
- गोरखाका पाँच पालिकाद्वारा सार्वजनिक पदमा रहेकाले छोराछोरी सामुदायिक विद्यालयमा पढाउनुपर्ने निर्णय
- ग्लोबल आइएमई बैंक र हब इन्टरनेशनल एजुकेशनबीच सम्झौता
- एसीसी प्रिमियर कपको सेमिफाइनलमा नेपालकाे भेट युएईसँग
- नेप्से लगातार ओरालो, परिसूचक घटेर २ हजार बिन्दुबाट तल
प्रतिकृया दिनुहोस