महिला समूहबाट गार्मेन्ट उद्योग स्थापना
- गाउँ सहर संवाददाता
- २८ असार मंगलबार, २०७९ | १५:२३:०० मा प्रकाशित
पथरी शनिश्चरे । मोरङको पथरी शनिश्चरे २ मा महिला समूहले गार्मेन्ट उद्योग स्थापना गरेको छ ।
नगरको गरिवी निवारणका लागि लघु उद्यम कार्यक्रम अन्तर्गत तालिम लिएका महिलाहरुले स्थापना गरेको मखमली लघु उद्यमी समूहको गार्मेन्ट उद्योगको नगर प्रमुख मोहनप्रसाद तुम्वापोले उद्घाटन् गरे । उनले नगरले तालिम प्रदान गरेका महिलाहरु दक्ष भएर उद्यमी बन्नका लागि यसप्रकारको उद्योग स्थापना भएकोमा खुसी व्यक्त गर्दै नगरले यसप्रकारको कामका लागि सधैं साथ र सहयोग प्रदान गर्ने बताए ।
कार्यक्रममा, पूर्व नगर उपप्रमुख यमुना विष्ट वास्तोलाले आफू उपप्रमुख भएको समयमा थालिएको तालिमले आज यसप्रकारको सफलता प्राप्त गरेकोमा खुसी व्यक्त गर्दै आफूले सधैं महिलाहरु सक्षम बन्ने काममा सहकार्य गरिरहने जनाइन् ।
सो अवसरमा २ नम्बर वडाध्यक्ष नैना राई सहितका जनप्रतिनिधिको उपस्थिति रहेको थियो ।
लघु उद्यमी निर्माणका लागि यस अघि तालिम लिएकामध्ये १४ जनाले गार्मेन्ट उद्योग स्थापना गरेका हुन् । केही रकम जग्मा गरेर कपडा खरिद गरी नगरले तालिमका अवसरमा यसअघि प्रदान गरेको मेसिनबाट त्यसलाई सिलाउने काममा उनीहरु खटिएका छन् । उनीहरुका लागि पुन २ वटा इलेक्ट्रोनिक मेसिन र १ थान इन्टरलक मेसिन प्रदान गरिएको लघु उद्यम कार्यक्रमकी बरिष्ठ लघु उद्योग सहजकर्ता सपना कार्कीले बताइन् ।
उद्योग वाणिज्य तथा आपूर्ति मन्त्रालय अन्तर्गतको गरिवी निवारणका लागि लघु उद्यम विकास कार्यक्रम अघि बढेको हो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
- बाटो निर्माण गर्दा अनियमितता गर्ने सात जनाविरूद्ध भ्रष्टचार मुद्दा
- भालीदेखि कक्षा १२ काे परीक्षा, झण्डै पाँच लाख विद्यार्थी सहभागी हुँदै
- वेस्ट इन्डिज ए विरुद्ध खेल्ने १६ सदस्यीय टोली घोषणा
- १६ औँ योजनामा पूर्वाधार निर्माण र सूचना प्रविधि प्राथमिकता : प्रधानमन्त्री
प्रतिकृया दिनुहोस