जब मुम्बई उड्न लागेको विमानमा आतंकवादी रहेको सूचना फैलियाे...
- गाउँ सहर संवाददाता
- १८ श्रावण बुधबार, २०७९ | १६:२३:०० मा प्रकाशित
काठमाडौं । भारतको मुम्बई उड्न लागेको एक जहाजमा आतंकवादी रहेको सूचना बाहिरिएपछि सबै यात्रुलाई ओरालेर जाँच गरिएको छ । नेपाल एअरलाइन्सको न्यारोबडी ३२० जहाजबाट यात्रुलाई ओरालेर शंकास्पद दुई व्यक्तिलाई प्रहरीले नियन्त्रणमा समेत लिएको छ ।
जहाज दिउँसो १:१० मा मुम्बई उड्नुपर्ने थियो । जहाजमा चालक दलका सदस्यसहित १४१ जना यात्रु थिए । मुम्बईका लागि उड्न लागेको जहाजको ढोकासमेत बन्द गरि सकिएको थियो । आतंकवादी रहेको सूचना आएपछि प्रहरीले जहाज उड्नबाट रोकेको हो ।
सबै यात्रुको जाँचपछि दुई व्यक्ति पक्राउ गरिएको प्रहरीले जनाएको छ ।
पक्राउ परेका व्यक्ति शंकास्पद आतंकवादी हुन् ?
जहाजबाट पक्राउ परेका व्यक्ति धनगढीका सुन व्यवसायी भएको खुलेको छ ।
प्रहरीले दिएको जानकारीअनुसार उनी धनगढीका व्यवसायी हुन् । पक्राउ परेका व्यक्ति धनगढीका सुन व्यवसायी सन्तोष लामिछाने भएको प्रहरीले जनाएको छ ।
शंकाको आधारमा लामिछाने र मीना लामिछाने पक्राउ परेका छन् । अनुसन्धानकै क्रममा उनीहरु सुन व्यवसायमा रहेको खुलेको छ । श्रीमान श्रीमतीका रुपमा रहेका उनीहरु सुदूरपश्चिम सुनचाँदी व्यवसायी संघमा आबद्ध रहेका छन् ।
कैलाली घर भएका लामिछानेमाथि सुनचाँदी र अन्य गर्ने कारोबारमाथि समेत शंका लागेर पक्राउ गरिएको प्रहरीले जनाएको छ । उनीहरुमाथि थप अनुसन्धान भइरहेको छ ।
अहिले सुनचाँदी व्यवसायीहरुको टोलीसँग उनी मुम्बई घुम्न जान लागेका थिए । त्यही बेला कैलाली प्रहरीले प्रधान कार्यालयमा जानकारी गराएको थियो ।
कैलालीमा गहना पसल चलाउँदै आएका उनी चोरी तथा तस्करीको सुन किनेर बिक्री गर्ने कार्यमा संलग्न थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सडक बत्तीको ६ अर्ब बक्यौता बाँकी, तिर्न स्थानीय तहलाई प्राधिकरणकाे ताकेता
- नेपाल ‘ए’ ले आज आयरल्याण्ड वुल्भ्ससँग खेल्ने, पानीले प्रभावित हुनसक्ने
- माैसम पूर्वानुमान : देशभर बदलीसँगै आइतबारसम्म वर्षाकाे सम्भावना
- निजी विद्यालयको नाम फेर्न काठमाडौं महानगरकाे १ महिने अल्टिमेटम
- यस्ता छन् मन्त्रिपरिषद्का ५ निर्णयहरू : नियुक्तदेखि बढुवासम्म
- एमडीएमएस खरिदमा संलग्न २० जनाविरुद्ध झण्डै ९२ करोडकाे मुद्दा
- साताको अन्तिम कारोबार दिन सामान्य अंकले बढ्याे नेप्से
- राष्ट्रियसभाकी उपाध्यक्ष उर्मिला अर्यालद्वारा राजीनामा
- नेपाल–भारत विद्युत् आयात सम्झौता नवीकरण
- ग्लोबल आइएमई बैंक र अन्तर्राष्ट्रिय वित्त निगमबीच समझदारी
प्रतिकृया दिनुहोस