खेल

शेयरबजार हरियाे, ६६ करोडकाे मात्रै काराेबार

काठमाडौं । नेपाल स्टक एक्सचेञ्ज (नेप्से) साताको कारोबारको पहिलो दिन मंगलबार आज दोहोरो अंकले बढेको छ । केही दिनदेखि निरन्तर रुपमा ओरालो लागेको शेयरबजारमा आज दोहोरो अंकको वृद्धि देखिएको हो । 

यस दिन नेप्से सूचक १५.९२ अंकले बढेर १८३१.०५ विन्दुमा पुगेको छ । 

त्यस्तै, शेयरबजार बढे पनि कारोबार रकममा भने गिरावट आएको छ । आज नेप्सेमा ६६ करोड ३० लाख रुपैयाँ बराबरको कारोबार भएको छ । आइतबार नेप्सेमा एक अर्ब ७ करोड २४ लाख रुपैयाँ बराबरको कारोबार भएको थियो । 

आज कारोबार भएका कम्पनीमध्ये १५२ वटा कम्पनीको शेयरमूल्य बढेको छ भने २७ वटा कम्पनीको शेयरमूल्य घटेको छ भने ६ कम्पनीको शेयरमूल्य स्थिर रहेको छ । आज एक कम्पनीको शेयरमुल्यमा उच्च वृद्धि भएको छ । सामुदायिक लघुवित्त वित्तीय संस्थाको शेयरमुल्य ९.९७ प्रतिशतले बढेर प्रतिकित्ता १३०८.९० रुपैयाँ पुगेको छ । 

नेप्सेका अनुसार आज गरिमा डिबेञ्चरको शेयरमूल्यमा सबैभन्दा बढी गिरावट भएको छ । यसको शेयरमूल्य १० प्रतिशत भन्दा बढीले घटेको हो । त्यस्तै, कारोबारको आधारमा आज सबैभन्दा बढी रिडी पावरको भएको छ । यसको आज २ करोड ८५लाखभन्दा बढीको कारोबार भएको छ ।          

गाउँ सहर संवाददाता

तपाईँको मत