युएसएआइडी प्रमुख सामन्था र परराष्ट्रमन्त्रीबीच भेटवार्ता, एमसीसी परियोजनाका विषयमा छलफल
- गाउँ सहर संवाददाता
- २४ माघ मंगलबार, २०७९ | १७:३७:०० मा प्रकाशित

काठमाडाैं । नेपाल भ्रमणमा रहेकी अमेरिकी अन्तर्राष्ट्रिय सहयोग नियोग (युएसएआईडी) की प्रमुख सामन्था पावरले मंगलबार अपरान्ह परराष्ट्रमन्त्री डा. विमला राई पौड्यालसँग भेटेकी छिन्।
परराष्ट्र मन्त्रालय सिंहदरबारमा भएको भेटमा नेपाल अमेरिकाबीचको द्विपक्षीय हितका विविध विषयमा छलफल भएको परराष्ट्र मन्त्रीको सचिवालयले जनाएको छ।
भेटमा मिलेनियम च्यालेन्ज कर्पोरेशन (एमसीसी) नेपाल कम्प्याक्ट सम्झौता अन्तर्गत परियोजना कार्यान्वयन, जलवायु परिवर्तन, नेपाललाई अति कम विकसित मुलुक (एलडीसी)बाट विकसित मुलुकका रुपमा स्तरउन्नति गरिएपछि प्रदान गरिने सहयोगलगायतमा छलफल भएको थियो।
त्यस अवसरमा परराष्ट्र मन्त्री पौड्यालले अेमेरिकी सरकारले नेपाललाई गर्दै आएको सहयोगप्रति धन्यवाद दिइन्।
पावरले अमेरिकी सरकारका तर्फबाट गरिने सहयोगमा थप वृद्धि गरिने प्रतिवद्धता जनाएकी थिइन्।
पावर मंगलबार बिहान नेपाल आएकी हुन्। समान्था पावर सन् २०२१ को मे ३ तारिखयता युएसएआइडीकी प्रमुख छिन्।
पावर सन् २०१३ देखि २०१७ सम्म अमेरिकाका तर्फबाट संयुक्त राष्ट्र संघका लागि अमेरिकी स्थायी प्रतिनिधि थिइन्।
उनी सन् २००९ देखि २०१३ सम्म अमेरिकाको राष्ट्रिय सुरक्षा परिषद्की कर्मचारी भई राष्ट्रपतिका विशेष सहायकका रूपमा र बहुपक्षीय मामिला तथा मानव अधिकारसम्बन्धी वरिष्ठ निर्देशकका रूपमा पनि कार्यरत थिइन्। उनी पूर्व पत्रकार समेत हुन्।
नेपाल बसाईमा पावरले प्रधानमन्त्री पुष्पकमल दाहाल र अर्थमन्त्री बिष्णु पौडेलसंग पनि भेट्ने कार्यक्रम छ। उनले आजै नागरिक समाजका केही प्रतिनिधीसंग पनि भेटवार्ता गरिन्।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- ‘खेलाडी देशका सम्पत्ति हुन्’– मुख्यमन्त्री अधिकारी, ‘खेलाडीको हितका लागि हामी गम्भीर छौं’– मन्त्री गुरुङ
- प्रधानमन्त्री प्रचण्डले पाए प्रतिनिधि सभामा विश्वासको मत
- यस्तो छ स्ववियु निर्वाचनको नतिजा
- शेयर बजार : एक अर्ब बढीको कारोबारमा २२ अंकले बढ्यो नेप्से
- प्रधानमन्त्री प्रचण्डलाई विश्वासको मत नदिने : एमाले उपनेता नेम्वाङ
- संसद प्रत्यक्ष प्रशारण : प्रधानमन्त्रीले विश्वासको मत लिँदै
- विश्वासको मत दिने कि नदिने भन्नेबारे निर्णय गर्न एमाले संसदीय दलको बैठक
- घट्यो सुनको मूल्य, १ लाख ९ हजार ३०० रुपैयाँ कायम
- प्रहरीका ५ जना डीआईजी बढुवा गर्ने सिफारिस, मन्त्रिपरिषद्ले सदर
- नवनिर्वाचित उपराष्ट्रपति यादवको शपथ र निवर्तमान उपराष्ट्रपति पुनलाई बिदाइ
प्रतिकृया दिनुहोस