अर्थतन्त्र

एकतीस अंकले घटेकाे नेप्सेमा पनि यी कम्पनीले कमाए

• गाउँ सहर संवाददाता
• १५ भदौ आइतबार, २०८२ | १५:४८:०० मा प्रकाशित

काठमाडौँ । नेपाल स्टक एक्सचेन्ज (नेप्से) ३१.१७ अङ्कले घटेको छ । साताको पहिलो दिन आइतबार बजार घट्दा परिसूचक २७४९.८३ विन्दुमा झरेको छ । बजार बन्द हुँदा कुल ६ अर्ब ६ करोड १८ लाख रुपैयाँ बराबरको सेयर कारोबार भएको छ ।

आजको कारोबारमा बजारमा ठुलो दबाब देखिएको थियो । जहाँ कुल २२८ कम्पनीको मूल्यमा गिरावट आउँदा, केवल २१ कम्पनीको मूल्यमा सामान्य वृद्धि भएको छ। एक कम्पनीको मूल्य भने स्थिर रहन पुग्यो । 

समग्रमा, आज १ करोड ४८ लाख कित्ता सेयरको किनबेच भएको छ । आज ९७ हजार १७४ वटा कारोबार भएका थिए ।

यी कारोबारमा जम्मा ३२१ वटा फरक–फरक कम्पनीका धितोपत्रहरू समावेश थिए । यो तथ्याङ्कले बजारमा बिक्रीको चाप बढी रहेको स्पष्ट देखाउँछ ।

आज बजारका सबै उपसमूहमा गिरावट आएको छ । बैंकिङ, म्युचुअल फण्ड र ट्रेडिङ सबै समूह बाहेक सबैको गिरावट एक प्रतिशत भन्दा धेरै रहेको छ । 

कारोबार भएका कम्पनीमध्ये आज उन्नति सहकार्य लघुवित्तको सर्वाधिक ६.७७ प्रतिशत मूल्य बढेर २३९६.०७ रुपैयाँमा बन्द भयो । त्यसैगरी आशा लघुवित्तको ४.१६ प्रतिशत र माछापुच्छ्रे बैंकको डिबेञ्चर ८६ ले ३.९३ प्रतिशतको वृद्धि भएको छ । 

आज बजारमा ग्लोबल आईएमई समुन्नत योजना २ को मूल्य सर्वाधिक १० प्रतिशतले घटेको छ । त्यस्तै, प्रभु स्मार्ट फण्ड, सिटिजन्स म्युचुअल फण्ड २, नेपाल रिपब्लिक मिडिया लगायतको मूल्य पनि घट्ने सूचीको अग्रस्थानमा रहेका छन् । 

कारोबार रकमका आधारमा भने नेपाल पुनर्बीमा कम्पनी अग्रस्थानमा रह्यो । उक्त कम्पनीको ४५ करोड ४६ लाख रुपैयाँको कारोबार भएको छ । 

त्यसपछि हिमालयन रिइन्स्योरेन्स कम्पनी, हिमालय डिस्टिलरी, नेपाल रिपब्लिक मिडिया जस्ता कम्पनीहरूको ठुलो मात्रामा कारोबार भएको देखिन्छ ।