कला
शुन्य छु...
- डा. प्रकाशचन्द्र लाेहनी
- १० भदौ शुक्रबार, २०७९ | १५:२१:०० मा प्रकाशित
शुन्य छु
धेरै टाढा हेर्न खोज्छु
तर नजिकलाई भुल्न सक्दिन
सायद मानवीय कमजोरी
सधैँ कोहि बाँची रहँदैन
टाढा र नजिक
नजिक र टाढा
को टाढा
को नजिक
यो त कल्पना रहेछ
समय त हासिँरहेछ
मलाई भन्छ
हे कान्छा
म जहाँ छु
त्यहिँ छु
बग्ने त तिमी ह्वौ
कता बग्छाै
कहाँ पुग्छोउ
नर्कमा पुग्छौ
या शान्तिको मन्दिरमा
त्यो तिम्रो निर्णय हो
तिमीलाई शुभकामना
म समय हुँ
त्यसैले शुन्य छु।
प्रतिकृया दिनुहोस