राजनीति

बेपत्ता पारिएका व्यक्तिको छानबिनसम्बन्धी संशोधन विधेयक प्रतिनिधिसभामा

• गाउँ सहर संवाददाता
• ५ चैत आइतबार, २०७९ | १४:४५:०० मा प्रकाशित

काठमाडौं । प्रतिनिधिसभाको बैठकमा बेपत्ता पारिएका व्यक्तिको छानबिन, सत्यनिरुपण तथा मेलमिलाप आयोग (तेस्रो संशोधन) विधेयक, २०७९ पेस गरिएको छ ।

आइतबारको बैठकमा प्रधानमन्त्री एवं कानुन, न्याय तथा संसदीय मामिलामन्त्री पुष्पकमल दाहाल ‘प्रचण्ड’को तर्फबाट सरकारका प्रवक्ता समेत रहेकी सञ्चार तथा सूचना प्रविधिमन्त्री रेखा शर्माले उक्त विधेयक पेस गरेकी हुन् ।

बैठकमा सांसदहरू ज्ञानबहादुर शाही र प्रेम सुवालले विधेयक प्रस्तुत गर्न अनुमति माग्ने प्रस्तावमाथि विरोधको सूचना बैठकको बहुमत संख्याले अस्वीकार गरेको थियो ।