कांग्रेससँगकाे गठबन्धन टुट्याे, माओवादी एमाले, रास्वपालगायत सरकार बनाउन जुट्याे
- गाउँ सहर संवाददाता
- २१ फाल्गुण सोमबार, २०८० | ०९:५६:०० मा प्रकाशित
काठमाडौं । नेपाली कांग्रेसँगकाे सत्ता गठबन्धन फुटेको छ ।
एमालेका उपाध्यक्ष सुरेन्द्र पाण्डेका अनुसार आजै नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारमा एमाले, रास्वपा, राप्रपा र जसपा सहभागी हुनेछन् ।
पाण्डेले आजै सानो मन्त्रिमण्डल बन्ने बताएका छन् ।
'आजै सरकार परिवर्तन र नयाँ मन्त्रिपरिषद् हुन्छ' पाण्डेले फेसबुकमा लेखेका छन् 'सानो आकारको मन्त्रिमण्डलले आज सपथ लिनेछ ।'
गएराति अबेरसम्म प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली, रास्वपा सभापति रवि लामिछाने र जसपा अध्यक्ष उपेन्द्र यादवबीच भएको छलफलमा सत्ता गठबन्धन परिवर्तनबारे कुराकानी र सहमति भएको थियो ।
गठबन्धनमा सङ्कट आएको र प्रधानमन्त्रीले नयाँ समीकरण बनाउन खोजेको चर्चाकाबीच बिहानैदेखि दलहरुको दौडधूप बढेको छ । बिहान बस्ने भनिएको सत्तारुढ गठबन्धनको बैठक स्थगित भएको छ ।
प्रधानमन्त्री पुुष्पकमल दाहाल प्रचण्डलाई भेट्न कांग्रेस सभापति शेरबहादुर देउवा बालुवाटार पुगेका छन् । एमाले, माओवादी र रास्वपा आआफ्ना पार्टीभित्रको आन्तरिक छलफलमा जुटेका छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- ग्लोबल आइएमई बैंकमा स्वीस इन्भेष्टमेन्ट फन्ड फर इमर्जिङको १० मिलियन डलर लगानी
- एमालेको कान्छो सांसदकाे रूपमा सुहाङले जित्दा रास्वपाका मिलनकाे जमानत नै जफत
- हामीले खोजेको नेतृत्व कस्तो ?
- ग्लोबल आइएमई बैंकको ग्लोबल ग्रीन आवास कर्जा, ८.९९ प्रतिशत स्थिर ब्याज दर
- नेप्से झिनाे अंकले बढेर बन्द
- बझाङ क्षेत्र नम्बर–१ ‘क’मा एमालेका दमनबहादुर भण्डारी निर्वाचित
- तातो हावाको लहर अझै बढ्ने
- लगानी सम्मेलनको दोस्रो दिन, विभिन्न विषयमा छलफल हुँदै
- नेपालमा कुल जनसंख्याको २० प्रतिशत अति उच्च परिवार
- राेहितले राम्राे खेलेपनि नेपालले १६१ रनको लक्ष्य पछ्याउन सकेन
प्राप्त प्रतिक्रिया
तपाईँको मत
प्रतिकृया दिनुहोस