विराटनगर भन्सारका तत्कालीन अधिकृत सापकोटासहित चारजनाविरुद्ध भ्रष्टाचार मुद्दा दायर
- गाउँ सहर संवाददाता
- १३ चैत मंगलबार, २०८० | १७:०४:०० मा प्रकाशित
काठमाडौं । विराटनगर भन्सार कार्यालयका तत्कालीन भन्सार अधिकृत ताराप्रसाद सापकोटा र भन्सार अधिकृत नवकुल शर्मासमेत गरी चारजनाविरुद्ध भ्रष्टाचार मुद्दा दायर भएको छ। अख्तियार दुरूपयोग अनुसन्धान आयोगले तत्कालीन भन्सार अधिकृत सापकोटा,भन्सार अधिकृत नवकुल शर्मा, भन्सार एजेण्टका प्रतिनिधि सरन कुमार खरेल र देव इन्टरनेसनल प्रालिका सञ्चालक शेरबहादुर बस्नेतविरुद्ध आज विशेष अदालत काठमाडौंमा भ्रष्टाचार मुद्दा दायर गरेको हो।
चीनबाट आयात गरेको सामानको प्रज्ञानपत्र नम्बर एम ७२६ दर्ता गरेपछि सिस्टमबाटै डिलिट गरी अनियमितता गरेको उनीहरुमाथि आरोप छ। अख्तियारका प्रवक्ता नरहरि घिमिरेले चीनबाट आयात गरेको सामानको प्रज्ञानपत्र नम्बर दर्ता गरेपछि सिस्टमबाटै डिलिट गरी अनियमितता गरेको पुष्टि हुन आएकाले तत्कालिन भन्सार अधिकृत सापकोटासहित चारजनाविरुद्ध आरोप-पत्र दायर गरेको जानकारी दिए।
पैठारीकर्तालाई ८४ लाख ५५ हजार ६०५ रुपैयाँ गैरकानुनी लाभ र नेपाल सरकारको राजश्व चुहावट भइ नोक्सान भएको पुष्टि हुन आएकाले सापकोटा र शर्मालाई सोही रकम बराबरको बिगो कायम गरी आरोप पत्र दायर गरेको अख्तियारले जनाएको छ।
यसैगरी भन्सार एजेण्टाका प्रतिनिधि खरेल र बस्नेतको संलग्नतामा विराटनगर भन्सार कार्यालयमा जाँचपासको लागि देव इन्टरनेसनल प्रालिले ल्याएको सामान जाँचपास गर्ने कार्यमा कानुन अनुसार वस्तुको मूल्यांकन गर्दा पेश भएको प्रज्ञापन पत्रको वस्तुको गुणस्तर फरक पारी ८४ लाख ५५ हजार ६०५ रुपैयाँ बराबरको हानीनोक्सानी गरेको अख्तियारको ठहर छ।
उनीहरूबिरुद्ध पनि सोही रकम बराबरको बिगो र चुहावट रकमको दोब्बर जरिवाना माग गरिएको आरोप पत्रमा उल्लेख छ। वस्नेत र खरेलले मुख्य तत्काली भन्सार अधिकृत सापकोटा र भन्सार अधिकृत शर्मा मतियारको रुपमा काम गरेको अख्तियारको ठहर छ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- वेस्ट इन्डिजविरुद्ध जितका लागि नेपाललाई २०५ रनको लक्ष्य
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
प्रतिकृया दिनुहोस