बेथानमा यसपाली कांग्रेसकाे चारतारे झण्डा फरफराउँछ, माओवादी लालकिल्ला ताेडिन्छ : आँधी
- गाउँ सहर संवाददाता
- १३ चैत आइतबार, २०७८ | १३:४४:०० मा प्रकाशित
रामेछाप । नेपाली कांग्रेस रामेछाप प्रदेश सभा 'ख' का प्रदेश सभा तथा कार्यसमिति सदस्य आँधी लामाले अब सुनापति गाउँपालिका- ४, बेथान सहित जिल्लाका अधिकांश स्थानीय तहमा नेपाली कांग्रेसले जित्ने बताएका छन् ।
शनिवार “घर-घर जाऔं, काँग्रेस जिताऔं” अभियान अन्तर्गत बेथानमा आयाेजित वडास्तरीय कार्यक्रममा बाेल्दै लामाले अब माओवादीकाे लालकिल्ला भनेर चिनिने बेथान मात्रै हाेइन सुनापति पालिका नै नेपाली कांग्रेसले एकलाैटी जित्ने दाबी गरे ।
लामाले भने-'कुनै बेला बेथानलाई माओवादीहरूले लालकिल्ला मान्थे त्याे लालकिल्ला पाँच वर्षअघि नै भत्किसकेकाे हाे अब यसपाली पाँचै वडादेखि पालिकासम्म कांग्रेसकाे विजयी चारतारे झण्डा फरफराउनेछ । त्यसमा कसैले शंका नगरे हुन्छ ।'
माओवादीकाे ज्यादति खेप्नु खेपिसकेकाे बताउँदै अब जनता जागिसकेकाेले कम्युनिष्टकाे तानाशही र अधिनायकवादी घेरा ताेडेर चारतारे झण्डा गाढेर स्वतन्त्रता र न्यायकाे लडाइँकाे लागि कुनै पनि मूल्य चुकाउन पछि नपर्ने बताए ।
मतदाता तथा कार्यकर्ता कांग्रेसलाई भाेट हाल्न आँतुर रहेको बताए ।
रामेछाप प्रदेश सभा 'ख' कार्यसमितिले “घर-घर जाऔं, काँग्रेस जिताऔं” अभियानका लागि बेथानमा प्रतिनिधिकाे रूपमा खटाएका लामाले जस्ताेसुकै विपदकाे बेलामा पनि नेपाली कांग्रेस जनताकाे साथमा रहेकाे बताए ।
लामाले निर्वाचनमा कार्यकर्ता खर्चिलाे र लाेभी हुन नहुने भन्दै प्रलाेभनमा नफसि इमानदारसाथ कांग्रेसकाे रूख चिन्हमा भाेट हालेर पाँच वर्ष कामकाे मूल्याँकन गरेर पर्खन आग्रह गरे ।
भिडिओमा हेर्नुहाेस्
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
प्रतिकृया दिनुहोस