एक पदमा उम्मेदवारी दिँदा महिला नै हुनुपर्ने निर्देशन आयोगद्वारा खारेज
- गाउँ सहर संवाददाता
- २९ चैत मंगलबार, २०७८ | १५:३२:०० मा प्रकाशित
काठमाडाैं । स्थानीय तहको आगामी निर्वाचनमा राजनीतिक दलले एउटा मात्रै पदमा उम्मेदवारी दिँदा महिला नै हुनुपर्ने प्रावधानलाई निर्वाचन आयोगले संशोधन गरेको छ ।
आयोगले राजनीतिक दलहरुका लागि पठाएको निर्देशनको बुँदा नम्बर ६ मा त्यस किसिमको व्यवस्था गरिएको थियो । भनिएको थियो- ‘स्थानीय तहको प्रमुख र उप्रमुख वा अध्यक्ष र उपाध्यक्षको पदमध्ये कुनै एक पदमा मात्र उम्मेदवारी दिने राजनीतिक दलले महिलाको मनोनयनको व्यवस्था गर्ने ।’
आयोगले मंगलबार विज्ञप्ति जारी गर्दै सो व्यवस्था सच्याएको जनाएको छ । आयोगका प्रवक्ता शालिग्राम शर्मा पौडेलद्वारा जारी विज्ञप्तिमा भनिएको छ- निर्वाचन आयोगले मिति २०७८ चैत २२ गते राजनीतिक दलहरुलाई निर्वाचन व्यवस्थापनलाई लैंगिक तथा समावेशीमैत्री बनाउने सम्बन्धमा दिएको निर्देशनको बुँदा नम्बर ६ मा 'स्थानीय तहको प्रमुख र उप्रमुख वा अध्यक्ष र उपाध्यक्षको पदमध्ये कुनै एक पदमा मात्र उम्मेदवारी दिने राजनीतिक दलले महिला उम्मेदवार मनोनयनमा प्राथमिकता दिने' हुनुपर्नेमा अन्यथा भएकाले सच्याइएको छ ।'
निर्वाचनमा गठबन्धन गर्ने दलहरुले एक पदमा मात्रै उम्मेदवारी दिने र पुरुषलाई नै उम्मेदवार बनाउने सम्भावना बढी हुने भएकाले महिलालाई उम्मेदवार बनाउनुपर्ने आयोगको निर्देशनले महिला उम्मेदवारको संख्या बढ्ने आकलन गरिएको थियो ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
प्रतिकृया दिनुहोस