कांग्रेसबाट ललितपुर महानगरको मेयरमा ७ जना सिफारिस (नामसहित)
- गाउँ सहर संवाददाता
- २ बैशाख शुक्रबार, २०७९ | १०:३६:०० मा प्रकाशित
काठमाडाैं । ललितपुर महानगरपालिकाको मेयरका लागि नेपाली कांग्रेसबाट सात जनाको नाम सिफारिस भएको छ । आगामी वैशाख ३० गते हुने स्थानीय तहको निर्वाचन नजिकिएसँगै ललितपुर कांग्रेसले सात जनाको नाम सिफारिस गरेको हो ।
पार्टीको महानगर कार्य समितिको बैठकले कांग्रेसबाट ललितपुर महानगरको मेयर पदमा सात जना सिफारिस गरेको हो । कार्य समिति बैठकअनुसार मेयरमा सिफारिस हुनेहरूमा हालका मेयर र उपमेयरसम्म रहेका छन् ।
कांग्रेस ललितपुर महानगर कार्यसमितिले सभापति शुभानन धाख्वा, महाधिवेशन प्रतिनिधि भरतलाल न्याछ्ओ र प्रेमकृष्ण महर्जन, अहिलेका मेयर चिरीबाबु महर्जन, अहिलेको उपमेयर गीता सत्याल, महानगरका पूर्वसभापति राजेश महर्जन र महाधिवेशन प्रतिनिधि अनन्तप्रकाश श्रेष्ठको नाम सिफारिस गरेको हो ।
महानगरमा मेयरको उम्मेदवारको टुंगो कांग्रेस केन्द्रीय कार्य समितिले लगाउने छ । कांग्रेसले स्थानीय तहको निर्वाचनका लागि उपसभापति पूर्णबहादुर खड्का नेतृत्वको स्थानीय तह निर्वाचन केन्द्रीय परिचालन समिति गठन गरिसकेको छ ।
आज दिउँसो १ बजे कांग्रेस स्थानीय तह निर्वाचन केन्द्रीय परिचालन समितिको बैठक बस्ने भएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- चार वर्षमा आगलागीबाट कर्णालीमा ५५ जनाको मृत्यु
- डेढ किलो सुन र एक करोड ४३ लाख नगदसहित सातजना पक्राउ
- कृषि मन्त्रालयका सहसचिव गैरे बर्खास्त
- लगानी सम्मेलनमा एक सय ५१ परियोजना प्रस्तुत गरिँदै
- रायमाझीसहित ७ जनालाई थुनामै, आङटावा शेर्पालाई ३० लाख धरौटीमा छोड्न सर्वोच्चको आदेश
- पूर्वमन्त्री मोहम्मद आफताब आलमलाई जिल्ला अदालत रौतहटद्वारा जन्मकैदको फैसला
- गर्मीले नेपालगञ्जको जनजीवन प्रभावित
- सहकारी समस्या समाधान गर्ने सरकारको निर्णय
- बाँकेका वनमा डढेलो
- शेयरबजार : २ अर्ब ३६ करोडको कारोबार हुँदा कसले कमाए, कसले गुमाए ?
प्रतिकृया दिनुहोस