वातावरण

बिहीबारकाे माैसम यस्ताे छ, एकदुई स्थानमा हल्का हिमपात

• गाउँ सहर संवाददाता
• १ मङ्सिर बिहीबार, २०७९ | ०८:१४:०० मा प्रकाशित

काठमाडाैँ । आज २०७९ मंसिर ०१ गते (बिहीबार), माैसम विभागका अनुसार दिउँसो प्रदेश नं १, बागमती प्रदेश र गण्डकी प्रदेशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहनेछ । प्रदेश नं १ र गण्डकी प्रदेशका एक वा दुई स्थानमा हल्का वर्षाको सम्भावना रहेको छ । साथै प्रदेश नं १, बागमती प्रदेश र गण्डकी प्रदेशको हिमाली भू-भागका एक वा दुई स्थानमा हल्का हिमपातको सम्भावना रहेको छ ।

राति प्रदेश नं १, बागमती प्रदेश र गण्डकी प्रदेशका पहाडी  भू-भागमा आंशिक बदली रही बाँकी भू-भागमा मौसम सामान्यतया सफा रहनेछ । प्रदेश १ र गण्डकी प्रदेशका हिमाली भू भागका एक वा दुई स्थानमा हल्का हिमपातको सम्भावना रहेको विभागले बताएकाे छ ।