खेल

कप्तान रोहित आउट भएसँगै नेपालको तेस्रो विकेट गुम्यो

• गाउँ सहर संवाददाता
• २ चैत बिहीबार, २०७९ | १४:५०:०० मा प्रकाशित

काठमाडौं । आईसीसी विश्वकप क्रिकेट लिग टु अन्तर्गत आजको अन्तिम खेलमा नेपाल र युएईबीच प्रतिस्पर्धा भइरहेको छ ।

युएईले दिएको ३११ रनको बिशाल लक्ष्य पछ्याएको नेपालले खराब सुरूआत गरेको छ।

पहिलो २ ओभरमा ६ रन बनाउँदा दुई विकेट गुमाएको नेपालले थप ३० रन बनाउँदा तेस्रो विकेट गुमायो। पहिलो ओभरको तेस्रो बलमा ओपनर आशिफ शेख शुन्यमा आयन आफजाल खानको बलमा स्टम्पिङ आउट भए ।

यस्तै दोस्रो ओभरको तेस्रो बलमा कुशल मल्ल व्यक्तिगत ५ रनमा आउट भए। जुनाइद सिद्धिकिको बलमा उनी आर्यन लक्राबाट क्याच आउट भए । यस्तै कप्तान रोहित पौडेल सातौ ओभरको पाँचौ बलमा १६ रन बनाएर आउट भए। उनले २५ बलमा ३ चौका प्रहार गरे । 

यसअघि कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको युएईले निर्धारित ५० ओभरमा ६ विकेट गुमाउँदै ३१० रन बनायो ।