ललितपुर जिल्ला अदालतले सेवाग्राहीलाई गेटमै पाइन्ट खाेल्न लगाएपछि...
- गाउँ सहर संवाददाता
- २२ माघ सोमबार, २०८० | २२:३०:०० मा प्रकाशित
काठमाडौं । ललितपुर जिल्ला अदालतले सोमबार एक युवकलाई च्यातिएको पाइन्ट लगाएको भन्दै प्रवेशमा रोक लगाएको छ। आवश्यक कामले अदालत पुगेका ती युवक अनिश श्रेष्ठले अदालतभित्र छिर्न अपमानमात्र व्यहोर्नु परेन, सुरक्षाकर्मी र स्रेस्तेदारको व्यवहारका कारण अदालतको गेटमै पाइन्ट खोल्नुपरेको छ।
अदालतले ती युवकलाई ‘ग्रन्च पाइन्ट’ खोलाएर थर्मल ट्राउजरमात्र लगाएर प्रवेश दिएको छ। अदालतको सुरक्षामा खटिएका प्रहरी र कर्मचारीहरुले धरानका अनिश श्रेष्ठलाई ‘च्यातिएको पाइन्ट लगाएर’ प्रवेश गर्न नपाइने भन्दै उक्त प्यान्ट खोलेर थर्मल ट्राउजर लगाएर भित्र जान दिएका हुन्।
अधिवक्ता दिनेशराज सत्यालका अनुसार अदालतको सुरक्षाजाँचमा खटिएका प्रहरीहरुले अनिशलाई च्यातिएको पाइन्ट लगाएर अदालत प्रवेशमा रोक लगाएका थिए। सत्यालले फेसबुकमा लेखेअनुसार श्रेष्ठले अदालतमा जानैपर्ने सूचना देखाए पनि प्रहरीले प्रवेश दिन अस्वीकार गरेको थियो।
यसपछि सत्यालले अदालत प्रशासन प्रमुख स्रेस्तेदार दुर्गाप्रसाद भट्टराईलाई भेटे। तर, उनले पनि श्रेष्ठलाई भित्र पस्न दिन अस्वीकार गरे। उनले घर गएर कपडा चेन्ज गरेर आउन सल्लाह दिए। तर, सत्यालले श्रेष्ठको घर धरान भएकाले अर्को कपडा लगाएर आउन सम्भव नभएको बताए। स्रेस्तेदार भट्टराईले उल्टै अपमान गर्दै भने- तपाईँ नेपाली पोशाक यति राम्रो लगाएर आउनु भएको छ । उहाँले चाहिँ मर्यादित पोशाक लगाउनु पर्दैन ?’
अर्को पाइन्ट किन्न पनि तत्काल सम्भव नभएको श्रेष्ठले बताए। प्रहरीले सोधे- भित्र ट्राउजर छ? अनि छ भनेपछि प्रहरीले उनलाई पाइन्ट खोल्न लगाएर ट्राउजरमा भित्र जान दिएको थियो।
सत्यालले लेखेका छन् : भित्री ट्राउजर लगाएर अदालत छिर्दा अमर्यादित पोशाक भएन। के यो सही हो ?
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- अशोक राई नेतृत्वको पार्टी 'जसपा' निर्वाचन आयोगमा दर्ता
- गृह मन्त्रालयको तीन बुँदे निर्देशन : हिरासत छल्न अस्पताल भर्ना हुने परिपाटी रोकिने
- प्रभु बैंकका ग्राहकले गणेशमान सिंह मेमोरियल हस्पिटलको सेवामा विशेष छुट पाउने
- बागमती प्रदेशमा नेपाल र तामाङ भाषा बने ‘सरकारी कामकाजको भाषा’
- खडेरीले सुक्न थाल्यो मकै, चिन्तामा किसान
- अशोक राई नेतृत्वमा यस्तो बन्यो नयाँ जसपा, प्रस्तावित कार्यसमिति यस्तो छ
- एनआईसी एशिया ‘बैंक पनि, पुस्तकालय भवन बनाइदिने सहयाेगी पनि’
- पहाडी भूभागमा सामान्य वर्षा
- फुट्यो जनता समाजवादी पार्टी , अशोक राई समूह नयाँ पार्टी
- वार्षिक जनसंख्या वृद्धि ०.९२ प्रतिशत, नेपालीको औसत आयु ७१.३ वर्ष
प्रतिकृया दिनुहोस