कला

सुरेशकुमार पाण्डेकाे याे मिठाे गजल

• सुरेशकुमार पाण्डे
• ४ चैत आइतबार, २०८० | २०:११:०० मा प्रकाशित

आज यही मुटु पनि उस्तै धक-धक भयो,

जो दुश्मन् थियो उही शुभ चिन्तक भयो।

 

हिंजो प्रतिगमनकै बिरूद्धमा भयो एकता,

आज प्रतिगमन सच्चियो की छक्क भयो।

 

भन्छन् क्रान्ति गर्न नै बन्दुक पड्काएको,

सडक र सदनमा सधै यस्तै बकबक भयो।

 

आतङ्कित र आसङ्कित भयौँ नागरिक,

अब त आफ्नै छायाँ सँग पनि सक भयो।

 

हाम्रो देशका जनता कत्तिको दयालु छन्,

व्यवहारबाट दुनियाँभरिलाई छनक भयो।

 

नेता राजनीति गर्न छाडी आफैंलाई खोज,

तिमीहरूको भनाई गराई धेरै फरक भयो।

दाङ घोराही।