अर्थतन्त्र

शेयर बजार बढ्ने क्रम जारी, कारोबार रकम पनि बढ्यो

• गाउँ सहर संवाददाता
• २६ असार बुधबार, २०८१ | १५:०९:०० मा प्रकाशित

काठमाडौं । अघिल्लो साताको सोमबारबाट निरन्तर बढ्दै गई गत सोमबार सामान्य करेक्सन देखिएको शेयर बजारले उकालो यात्रा जारी राखेको छ ।

बुधबार नेप्से दोहोरो अंकले बढेको छ । मंगलबार १५.७९ अंकले बढेको नेप्से बुधबार २३.२५ अंकले बढी दुई हजार १७५.४० बिन्दुमा बजार बन्द भएको छ । 

आज कारोबार रकम पनि बढेको छ । मंगलबार ५ अर्ब ५३ करोड ५९ लाख रुपैयाँ बराबरको १ करोड १६ लाख ६१ हजार २०८ कित्ता शेयर खरिदबिक्री भएकोमा आज ५ अर्ब ७४ करोड ४० लाख रुपैयाँको १ करोड ५२ लाख कित्ता शेयर खरिदबिक्री भएको छ ।