खेल

काभा भलिबलमा माल्दिभ्सविरूद्ध नेपालकाे ३–० को जित

• गाउँ सहर संवाददाता
• २१ श्रावण सोमबार, २०८१ | १७:४८:०० मा प्रकाशित

काठमाडौं । नेपालको राष्ट्रिय महिला भलिबल टोलीले माल्दिभ्सलाई पराजित गरेको छ। 

काभा वुमन्स नेसन्स भलिबल लिगअन्तर्गत सोमबार भएको खेलमा नेपालले माल्दिभ्सलाई ३-० सेटले पराजित गरेको हो। 

त्रिपुरेश्वरस्थित राष्ट्रिय खेलकुद परिषद् (राखेप)को कभर्ड हलमा भएको खेलमा नेपालले माल्दिभ्सलाई २५-८, २५-१९, २५-१८ ले हराएको हो। 

लिग चरणको समाप्तिसँगै अब मंगलबार सेमिफाइनलको खेल हुने छ। सेमिफाइनलमा नेपाल र इरान तथा भारत र श्रीलंकाबीच प्रतिस्पर्धा हुने छ।