सडक/यातायात

बुद्धभूमि नगरपालिकामा बसको ठक्करबाट दुई जनाको मृत्यु

• गाउँ सहर संवाददाता
• १३ कार्तिक मंगलबार, २०८१ | १९:४९:०० मा प्रकाशित

बुटवल । कपिलवस्तुको बुद्धभूमि नगरपालिकामा बसको ठक्करबाट दुई जनाको मृत्यु भएको छ ।

बुद्धभूमि नगरपालिका–२ पुरेनामा गोरुसिङ्गेबाट पुरेनातर्फ जाँदै गरेको लु१ख ९०९२ नम्बरको स्कुल बस र उत्तरबाट दक्षिणतर्फ आउँदै गरेको लु६६प ४८७५ नम्बरको मोटरसाइकल एक आपसमा ठोकिएर साे दुर्घटना भएकाे हाे ।

दुर्घटनामा परी सोही नगरपालिका–३ घन्चौराका पवन थापा र वडा नम्बर ४ बुड्ढीका मनिस थारुको मृत्यु भएको जिल्ला प्रहरी कार्यालय कपिलवस्तुले जनाएको छ ।

के-कति कारणले दुर्घटना भएकाे भन्ने बारे अनुसन्धान भइरहेकाे प्रहरीले बताएकाे छ ।